PM Kisan Yojana : जर तुम्ही पीएम किसान योजनेचे लाभार्थी (Beneficiaries of PM Kisan Yojana) असाल तर ही बातमी तुमच्यासाठी आहे. कारण या योजनेचा 12वा हप्ता (12th installment) या महिन्यात कधीही येऊ शकतो.
परंतु, त्याआधी शेतकऱ्यांनी ई-केवायसी (E-KYC) करणे गरजेचे आहे. जर तुम्ही अजूनही ई-केवायसी केली नसेल, तर तुमचे पैसे अडकू शकतात.
कोणत्या शेतकऱ्यांचे हप्त्याचे पैसे अडकू शकतात? हे जाणून घेण्यापूर्वी बाराव्या हप्त्याचे पैसे कधी येऊ शकतात हे जाणून घेण्याचा प्रयत्न करूया. मीडिया रिपोर्ट्सनुसार, 12 व्या हप्त्याचे पैसे ऑक्टोबर महिन्यात कोणत्याही दिवशी शेतकऱ्यांच्या बँक खात्यात (Bank account) येऊ शकतात. मात्र, अधिकृत घोषणेची सर्वांना प्रतीक्षा आहे.
कोणत्या कारणास्तव कोणत्या शेतकऱ्यांचे अडकलेले पैसे मिळू शकतात?
खरं तर, सरकारने (Govt) आधीच सांगितले होते की पीएम किसान योजनेशी संबंधित सर्व लाभार्थ्यांना ई-केवायसी करणे अनिवार्य आहे. अशा स्थितीत ज्या शेतकऱ्यांचे हे काम झाले नाही, त्यांचे हप्त्याचे पैसे अडकू शकतात.
अशा परिस्थितीत, जर तुम्ही ई-केवायसी केले असेल, तर तुम्हाला हप्त्याचे पैसे मिळू शकतात. परंतु तुम्ही अद्याप ई-केवायसी केले नसेल, तर तुम्ही ते ताबडतोब करावे कारण आता पोर्टलवर ओटीपी आधारित केवायसी (KYC) केले जात आहे.
तुम्ही याप्रमाणे ई-केवायसी करू शकता:-
1 ली पायरी
- प्रथम अधिकृत पोर्टल pmkisan.gov.in वर जा.
- त्यानंतर उजव्या बाजूला असलेल्या ‘e-KYC’ या पर्यायावर क्लिक करा
पायरी 2
- आता 12 अंकी आधार क्रमांक टाका.
- यानंतर, नोंदणीकृत मोबाइल क्रमांकावर प्राप्त झालेला ओटीपी प्रविष्ट करा आणि सबमिट करा. असे केल्याने तुमचे ई-केवायसी पूर्ण होईल.