Electric Aircraft : शहरातील ट्रॅफिकमुळे (traffic) नागरिकांसोबत वाहनचालकही वैतागलेले असतात. परंतु, आता लवकरच या समस्येतून तुमची सुटका होऊ शकते.
FlyBlade आधीच देशातील काही सर्वाधिक गर्दीच्या जमिनी मार्गांसाठी किफायतशीर हवाई वाहतूक (Air transport) पर्याय उपलब्ध करून देते. कंपनी मुंबई (Mumbai), शिर्डी, पुणे (Pune) आणि बंगळुरू येथून हेलिकॉप्टर-आधारित उड्डाण सेवा देते.
आता कंपनी या महिन्याच्या अखेरीस सुमारे 3,500 रुपयांमध्ये बेंगळुरूमधील विमानतळावर पोहोचण्यासाठी हेलिकॉप्टर टॅक्सी (Taxi) ऑफर करून आपल्या सेवांचा विस्तार करत आहे. कंपनीने अलीकडेच पुढील काही वर्षांमध्ये 200 VTOL विमाने अधिक मार्गांवर जोडण्याची योजना जाहीर केली आहे.
मीडिया रिपोर्ट्सनुसार, फ्लायब्लेड इंडियाचे व्यवस्थापकीय संचालक अमित दत्ता म्हणाले की, स्टार्ट-अपने मुंबई-पुणे आणि मुंबई-शिर्डी या मार्गांदरम्यान आतापर्यंत 1,000 प्रवासी बुकिंग हाताळले आहेत.
“आम्ही तीन मुख्य गोष्टींना लक्ष्य करत आहोत, ज्यात विमानतळ प्रवेश, पर्यटन आणि वैद्यकीय सेवा यांचा समावेश आहे.आमच्या विस्ताराचा एक भाग म्हणून, आम्ही वाहतूक सेवा म्हणून आणखी इंटरसिटी शॉर्ट फ्लाइट्स ऑफर करण्याची आणि पुढील काही महिन्यांत महाराष्ट्र आणि कर्नाटकमध्ये टेक-ऑफ आणि लँडिंग स्पॉट्स (हेलिपॅड) चे नवीन नेटवर्क विकसित करण्याची योजना आखत आहोत.”
मुंबई-पुणे मार्गावर एका प्रवाशाला प्रवास पूर्ण करण्यासाठी साधारणत: सरासरी 4-5 तास लागतात. आता फ्लायब्लेडच्या हेलिकॉप्टर टॅक्सी वापरून हा प्रवास सुमारे 50 मिनिटांत पूर्ण करता येईल. ज्यासाठी एकेरी प्रवासासाठी सध्या सुमारे 15,000 रुपये खर्च येतो.
दत्ता यांना मात्र खात्री आहे की एकदा फ्लायब्लेड eVTO विमानात हलवल्यानंतर एकेरी खर्च लक्षणीयरीत्या कमी केला जाऊ शकतो.सध्या, पेट्रोलवर आधारित हेलिकॉप्टर टॅक्सींसाठी प्रति किमी किंमत सुमारे 60 रुपये आहे.
तथापि, तज्ञांचे म्हणणे आहे की इलेक्ट्रिक VTOL विमानाचा वापर करून, ते सुमारे 15-20 रुपये प्रति किमीपर्यंत खाली आणले जाऊ शकते.
तथापि, अजूनही काही प्रारंभिक टप्प्यातील समस्या आहेत. व्हीटीओएल विमान पावसाळ्यात जून ते सप्टेंबरच्या मध्यापर्यंत चालवता येत नाही. तसेच हेलिकॉप्टरचा पुरवठा नसणे हे आणखी एक आव्हान आहे.
दत्ता म्हणाले की भारतात फक्त 200 हेलिकॉप्टर आहेत जी एनएसओपी (नॉन शेड्यूल्ड ऑपरेटर परमिट) द्वारे चालविली जातात आणि त्यापैकी निम्मी तेल आणि खाण कंपन्यांची आहेत.पुरवठ्याच्या समस्येचे निराकरण करण्यासाठी, फ्लायब्लेड सध्या भाडेतत्त्वावर असलेल्या मॉडेलवर बोली करत आहे.
जे महसूल-वाटपाच्या आधारावर नॉन-शेड्युल्ड ऑपरेटर्स (NSOPs) सह भागीदारी करते. परंतु भारतीय हवाई क्षेत्रात वापरल्या जाणार्या नियामकांद्वारे पूर्णपणे प्रमाणित होण्यासाठी त्यांना आणखी 2-3 वर्षे लागू शकतात, असेही ते म्हणाले.
