Poco C50 : चीनी कंपनी POCO आपल्या C सीरीजचा नवीन स्मार्टफोन Poco C50 लॉन्च (Launch) करण्याच्या तयारीत आहे. कंपनीने यापूर्वी याच सीरिजमधून Poco C40 लाँच केले आहे. मात्र, मीडिया रिपोर्ट्सच्या माध्यमातून फोन लॉन्च होण्यापूर्वीच फीचर्सही (Features) लीक झाले आहेत. या फोनचे सांकेतिक नाव Snow ठेवण्यात आले आहे.
Poco C50 ची संभाव्य वैशिष्ट्ये
डिस्प्ले- या फोनमध्ये 6.52-इंचाचा HD+ डिस्प्ले मिळू शकतो.
प्रोसेसर- या फोनमध्ये MediaTek Helio A22 प्रोसेसर असू शकतो.
OS- हा फोन Android 12 Go Edition सह ऑफर केला जाऊ शकतो.
कॅमेरा- हा स्मार्टफोन ड्युअल कॅमेरा सेटअपसह येऊ शकतो. यात 8 एमपीचा मुख्य बॅक कॅमेरा आणि दुसरा डेप्थ कॅमेरा असू शकतो. त्यामुळे व्हिडिओ कॉलसाठी फोनमध्ये 5 MP फ्रंट कॅमेरा असू शकतो.
बॅटरी- या फोनमध्ये 5000mAh बॅटरी मिळू शकते. यासोबतच फोनमध्ये 10W फास्ट चार्जिंगची सुविधाही दिली जाऊ शकते.
नेटवर्क- हा फोन 5G ऐवजी 4G नेटवर्कसह लॉन्च केला जाऊ शकतो.
इतर वैशिष्ट्ये- या फोनमध्ये ड्युअल सिम, 3.5 मिमी जॅक, ब्लूटूथ, वायफाय सारखे सर्व फीचर्स मिळण्याची अपेक्षा आहे.
Poco C50 अपेक्षित किंमत (Price)
मीडिया रिपोर्ट्सनुसार, POCO C50 ची किंमत 10,000 रुपये किंवा त्याहूनही कमी असू शकते.
मीडिया रिपोर्ट्सच्या आधारे Poco C50 चे सर्व फीचर्स आणि किंमती सांगण्यात आल्या आहेत. कंपनीने या फोनच्या लॉन्चिंग, किंमत आणि फीचर्सबद्दल काहीही सांगितले नसले तरी.
POCO C40 च्या वैशिष्ट्यांवर एक नजर
POCO C40 मध्ये 13 MP ड्युअल रियर कॅमेरा सेटअप आहे, तर फोनमध्ये 5 MP फ्रंट कॅमेरा आहे. Poco C40 मध्ये 6000 mAh ची मोठी बॅटरी आहे. या फोनमध्ये 18 डब्ल्यू फास्ट चार्जिंगचे फीचर देखील देण्यात आले आहे.
