Nokia Smartphones : नोकियाने आपला नवीन हँडसेट Nokia G60 5G भारतात लॉन्च करण्याची घोषणा केली आहे. कंपनीने ट्विटरवर एक व्हिडिओ शेअर केला आहे, ज्यामध्ये डिवाइसचा बॅक पॅनल दिसत आहे. मात्र, या ट्विटवरून फोनच्या लॉन्चिंगची तारीख किंवा किंमत स्पष्ट झालेली नाही. कंपनीने IFA 2022 इव्हेंट दरम्यान सप्टेंबरमध्ये Nokia G60 लॉन्च केला होता.
Nokia G60 5G चे स्पेसिफिकेशन्स
Nokia G60 5G स्मार्टफोन Android 12 वर काम करतो आणि त्याला ड्युअल सिम सपोर्ट आहे. यात 6.58-इंचाचा फुल-एचडी डिस्प्ले आहे. त्याचे रिझोल्यूशन 1,080×2,400 पिक्सेल आहे, पीक ब्राइटनेस 500 निट्स आहे आणि रिफ्रेश रेट 120Hz आहे. त्याची स्क्रीन सुरक्षित ठेवण्यासाठी कॉर्निंग गोरिल्ला ग्लास 5 वापरण्यात आला आहे. त्याच वेळी, चांगल्या कामगिरीसाठी, फोनमध्ये स्नॅपड्रॅगन 695 चिपसेट, 6GB रॅम आणि 128GB अंतर्गत स्टोरेज देण्यात आले आहे.
ट्रिपल रियर कॅमेरा सेटअपसह सुसज्ज
नोकियाचा हा हँडसेट ट्रिपल रियर कॅमेरा सेटअपसह येतो. यामध्ये प्राथमिक सेन्सर 50MP चा आहे. याशिवाय सेटअपमध्ये 5MP अल्ट्रा वाइड अँगल लेन्स आणि 2MP डेप्थ सेन्सर देण्यात आला आहे. तर सेल्फीसाठी 8MP फ्रंट कॅमेरा उपलब्ध आहे.
Be ready for tomorrow with a 120Hz refresh rate, a 50MP triple AI camera, high-speed 5G connectivity and years of hardware and software support on the new Nokia G60 5G.
Pre-booking with exclusive offers, coming soon.#NokiaG605G #TomorrowisHere #Nokiaphones #LoveTrustKeep pic.twitter.com/pgrEe2IqqM
— HMD India (@HMDdevicesIN) October 28, 2022
4500mAh बॅटरीसह येते
या मोबाईलमध्ये 4500mAh बॅटरी असून 20W फास्ट चार्जिंगसाठी सपोर्ट आहे. फोनमध्ये अॅम्बियंट लाइट सेन्सरपासून फिंगरप्रिंट सेन्सर आणि फेस अनलॉकपर्यंत सुविधा उपलब्ध आहेत. याशिवाय हँडसेटमध्ये वाय-फाय, जीपीएस, ब्लूटूथ आणि यूएसबी टाइप-सी पोर्ट सारखे स्पेक्स दिले गेले आहेत.
नुकत्याच समोर आलेल्या लीक्सवर विश्वास ठेवला तर नोकिया G60 ची भारतात किंमत 25,000 ते 30,000 च्या दरम्यान असण्याची शक्यता आहे.
