Twitter : ट्विटरच्या बाबतीत बरेच बदल केले जात आहेत. ट्विटरवर ब्लू टिक वापरणाऱ्याला शुल्क भरावे लागणार असल्याची बातमी यापूर्वी आली होती. आता आणखी एक नवीन बातमी येत आहे ज्यामध्ये असे म्हटले आहे की, सर्व वापरकर्त्यांना ट्विटर ऍक्सेस करण्यासाठी पैसे द्यावे लागतील.
एलोन मस्क यांनी अलीकडच्या काळात अनेक निर्णय घेतले आहेत. परंतु, जर सर्व वापरकर्त्यांसाठी शुल्काची घोषणा केली गेली, तर यातून बरेच काही बदलेल. प्लॅटफॉर्मरच्या अहवालात असे म्हटले आहे की, मस्क बहुतेक वापरकर्त्यांकडून सदस्यता शुल्क आकारण्याची योजना आखत आहे.
रिपोर्टमध्ये असे सांगण्यात आले आहे की, बहुतेक किंवा सर्व वापरकर्त्यांना ट्विटर वापरण्यासाठी पैसे द्यावे लागतील. तर ट्विटर ब्लूसाठी वापरकर्त्यांना वेगळे सबस्क्रिप्शन शुल्क भरावे लागेल. ट्विटर ब्लू सह, वापरकर्त्यांना ब्लू टिक्स आणि इतर अतिरिक्त वैशिष्ट्ये दिली जातील.
बैठकीत नियोजनावर चर्चा झाली : सूत्रांनी सांगितले –
कंपनीच्या कर्मचाऱ्यांसोबत नुकत्याच झालेल्या बैठकीत हा विचार मांडण्यात आला आहे. अहवालात पुढे म्हटले आहे की, वापरकर्ते एका महिन्यात मर्यादित काळासाठीच ट्विटर वापरण्यास सक्षम असतील. मर्यादित कालावधी संपल्यानंतर, वापरकर्त्यांना कंपनीची योजना घ्यावी लागेल.
हा प्लान घेतल्यानंतरच यूजर्स ट्विटरचा वापर करू शकतील. ही योजना कधी लागू होणार हे सध्या स्पष्ट नाही. मस्क यांनी याबाबत सार्वजनिकरित्या काहीही सांगितलेले नाही. सध्या ट्विटरचे अभियंते ब्लू सबस्क्रिप्शनवर काम करत आहेत. यामुळे, जर प्लॅटफॉर्म सर्व वापरकर्त्यांकडून पैसे घेण्याचा विचार करत असेल, तर ते सध्या होणार नाही.
मस्कने नुकतेच अनेक देशांमध्ये ट्विटर ब्लू सब्सक्रिप्शन जारी केले आहे. तसेच ते अद्याप सर्व वापरकर्त्यांसाठी सोडले गेले नाही. पण मस्कने हे देखील स्पष्ट केले आहे की, ते एका महिन्यापेक्षा कमी कालावधीत सर्व वापरकर्त्यांसाठी प्रसिद्ध केले जाईल.
