WhatsApp storage : देशात व्हॉट्सअ‍ॅपच्या वापरकर्त्यांची संख्या खूप आहे. नवीन वर्षात व्हॉट्सअ‍ॅपने आपल्या वापरकर्त्यांसाठी शानदार फीचर्स सादर केली आहेत. काही दिवसातच अनेक फीचर्स वापरकर्त्यांसाठी येणार आहेत. परंतु, अनेक वापरकर्ते व्हॉट्सअ‍ॅपवर येणाऱ्या फोटो आणि व्हिडिओंनी हैराण झाले आहेत.
याचे कारण म्हणजे या फोटो आणि व्हिडिओंनी त्यांच्या फोनचे स्टोरेज गच्च होत आहे. त्यामुळे अनेकांना अशा वेळी काय करावे ते सुचत नाही. परंतु, आता काळजी करू नका. तुम्ही सोप्या पद्धतीने फोनचे स्टोरेज रिकामे करू शकता.
शक्यतो WhatsApp हे तुमच्या स्मार्टफोनच्या गॅलरीमध्ये फोटो किंवा व्हिडिओ बाय डीफॉल्ट सेव्ह करत असते. त्यामुळे तुमच्या फोनचे स्टोरेज खूप लवकर भरले जाते. जर तुम्हाला स्टोरेज मोकळे करायचे असेल तर तुम्हाला निवडक फोटो आणि व्हिडिओ हटवावे लागतील, परंतु याला खूप वेळ जातो.
तर दुसरा पर्याय म्हणजे तुमच्या फोनमधील स्वयंचलित मीडिया डाउनलोड बंद करणे. तुम्हाला हवे असलेले किंवा डाउनलोड केलेले फोटो किंवा व्हिडिओ फक्त डाउनलोड केले जाईल.
फॉलो करा या स्टेप्स
- सर्वात अगोदर तुम्हाला व्हॉट्स अ‍ॅप उघडावे लागेल.
- तुमच्या समोर शीर्षस्थानी दिसणार्‍या तीन बिंदूंवर क्लिक करावे लागेल.
- त्यानंतर Settings वर जा.
- चॅट्सवर क्लिक करून मीडिया दृश्यमानता हा पर्याय निवडा.
- त्यानंतर मीडिया दृश्यमानता बंद करा.
- हे लक्षात घ्या की ही सेटिंग Android फोनसाठी आहे.
- जर तुमच्याकडे आयफोन असेल तर, व्हॉट्सअ‍ॅपच्या सेटिंग्जमध्ये जाऊन सेव्ह टू कॅमेरा रोल बंद करावा लागेल.
- जर तुम्हाला एखाद्या विशिष्ट व्यक्तीने किंवा एखाद्या ग्रुपने पाठवलेले फोटो आणि व्हिडिओ आपोआप डाउनलोड करायचे नसेल तर त्या चॅटवर जावे लागेल. आता View Contact/Group Info वर क्लिक करून मीडिया दृश्यमानता बंद करा.
