Budget 2023 : देशाच्या अर्थमंत्री निर्मला सीतारामन या आज १ फेब्रुवारी रोजी देशाचा अर्थसंकल्प जाहीर करत आहेत. या अर्थसंकल्पात अर्थमंत्र्यांनी अनेक मोठ्या घोषणा केल्या आहेत. निर्मला सीतारामन या त्यांच्या कार्यकाळातील ५ वा अर्थसंकल्प जाहीर करत आहेत.
आजचा अर्थसंकल्प हा देशाचा 75वा अर्थसंकल्प आहे. मोदी सरकारच्या काळातील हा शेवटचा अर्थसंकल्प आहे कारण २०२४ मध्ये लोकसभा निवडणूक होणार आहे. सर्वसामान्य वर्गाला या अर्थसंकल्पातून खूप अपेक्षा लागल्या आहेत.
बजेट 2023 लाइव्ह अपडेट्स
3 वर्षात 47 लाख तरुणांना आधार देण्यासाठी ऑल इंडिया नॅशनल अप्रेंटिसशिप स्कीम अंतर्गत डायरेक्ट बेनिफिट ट्रान्सफर सुरू करण्यात येणार असल्याचे निर्मला सीतारामन यांनी सांगितले.
महिला बचत पत्र योजना सुरू करण्याची घोषणा अर्थमंत्र्यांनी केली आहे. याशिवाय ज्येष्ठ नागरिकांसाठी 15 लाखांची मर्यादा 30 लाखांपर्यंत वाढवण्याची घोषणा करण्यात आली आहे.
To provide support to 47 lakh youths in 3 years, a Direct Benefit Transfer under a pan India national apprenticeship scheme will be rolled out: FM Sitharaman pic.twitter.com/2pSxnvjnDk
— ANI (@ANI) February 1, 2023
पीएम आवास योजनेचा खर्च 66% ने वाढवून 79,000 कोटी रुपयांपेक्षा जास्त करण्यात येत आहे. देशात 50 नवीन विमानतळ बांधले जातील.
रेल्वेसाठी 2.4 लाख कोटी रुपयांचा अर्थसंकल्प निर्मला सीतारामन यांनी जाहीर केला आहे. रेल्वेच्या नवीन योजनांसाठी 75,000 कोटी रुपयांचा निधी दिला जाणार आहे. रेल्वेमध्ये 100 नवीन महत्त्वाच्या योजना सुरू होणार असल्याचेही अर्थमंत्र्यांनी सांगितले आहे.
2014 पासून स्थापन झालेल्या विद्यमान 157 वैद्यकीय महाविद्यालयांच्या सहकार्याने 157 नवीन नर्सिंग महाविद्यालये स्थापन केली जातील. त्याचबरोबर लहान मुले आणि किशोरवयीन मुलांसाठी डिजिटल लायब्ररी उघडण्यात येणार आहे.
157 new nursing colleges will be established in colocation with the existing 157 medical colleges established since 2014: FM Nirmala Sitharaman pic.twitter.com/BOH2s9PspS
— ANI (@ANI) February 1, 2023
मिशन मोडवर पर्यटनाला चालना दिली जाईल. कोविडच्या धक्क्यानंतर पर्यटन क्षेत्रासाठी चांगल्या गोष्टी येणार आहेत, असे संकेत देताना अर्थमंत्री निर्मला सीतारामन म्हणाल्या की, राज्यांचा सक्रिय सहभाग, सरकारी कार्यक्रमांचे अभिसरण आणि सार्वजनिक-खासगी भागीदारी यातून पर्यटनाला चालना दिली जाईल.
पुढे त्या म्हणाल्या, “देशात देशी-विदेशी पर्यटकांसाठी प्रचंड आकर्षणे आहेत. पर्यटन क्षेत्रात प्रचंड वाव आहे. या क्षेत्रात विशेषतः तरुणांसाठी नोकऱ्या आणि उद्योजकतेच्या मोठ्या संधी आहेत.
अर्थमंत्री निर्मला सीतारामन यांनी सांगितले की, तरुण उद्योजकांना कृषी स्टार्टअपला प्रोत्साहन देण्यासाठी कृषी प्रवेगक निधीची स्थापना केली जाईल.
