Ahmednagar News : तालुक्यातील मुळा डॅम फाटा येथे दुचाकी व पिकअपच्या अपघातात दोघे जण ठार झाल्याची घटना काल बुधावरी सकाळी घडली. या अपघातात दुचाकीवरील देवळाली प्रवरातील साहिल सत्तार शेख (वय २३), सौरभ शरद काळे (वय- २४, रा. भानसहिवरे, ता. नेवासा) यांचा मृत्यू झाला आहे.
याबाबत मिळालेल्या माहितीनुसार, साहिल शेख, सौरभ काळे व त्यांचा अन्य एक मित्र हे काल बुधवारी सकाळी दुचाकीवर नगरवरून राहुरीकडे येत असताना मुळा डॅम फाट्याजवळ अज्ञात वाहन व दुचाकी यांच्यात अपघात झाला.
या अपघातात देवळाली प्रवरातील साहिल शेख व भानसहिवरे येथील सौरभ काळे ठार झाले आहेत. तर कोल्हार येथील युवक गंभीर जखमी झाला असून त्याच्यावर उपचार सुरू आहेत.
घटनास्थळी स्थानिक नागरिक व देवळाली प्रवरातील रुग्णवाहिका चालक रवी देवगिरे यांनी मदतकार्य केले. मयत साहिल शेख हा कॉ. मदिना शेख यांचा पुतण्या तर आयशा शेख यांचा मुलगा आहे. या घटनेमुळे सर्वत्र हळहळ व्यक्त होत आहे.
