Soaked Peanuts Benefits : शेंगदाणे खायला कोणाला आवडत नाहीत, हे खाण्यास चवदार तसेच आरोग्यसाठीही खूप फायदेशीर मानले जाते, सुपरफूड मानल्या जाणार्‍या, शेंगदाण्यात बदाम इतकेच पौष्टिक मूल्य असतात.
शेंगदाण्यामध्ये प्रथिने, कॅल्शियम, फायबर, मॅग्नेशियम, पोटॅशियम, व्हिटॅमिन ई सारखी अनेक पोषक घटक आढळतात. याशिवाय यामध्ये झिंक, सेलेनियम आणि कॉपर भरपूर प्रमाणात असते. त्यामुळे त्याचे सेवन शारीरिक आरोग्यापासून मानसिक, त्वचा आणि केसांच्या आरोग्यासाठी खूप फायदेशीर मानले जाते.
आपण सर्वजण शेंगदाणे भाजून किंवा एखाद्या पदार्थात घालून, त्याचे सेवन करतो. पण तुम्हाला माहिती आहे का? पाण्यात भिजवून खाल्लेले शेंगदाणे आपल्या आरोग्यास खूप फायदेशीर असतात. होय, तुम्ही रात्रभर शेंगदाणे पाण्यात भिजवून ठेवल्यास, आणि सकाळी त्याचे सेवन केल्यास तुमच्या आरोग्याला त्याचा खूप फायदा होतो, आजच्या या लेखात, आम्ही तुम्हाला यापासून मिळणारे 5 जबरदस्त फायदे सांगणार आहोत. चला तर मग…
पाण्यात भिजवलेले शेंगदाणे खाण्याचे फायदे :-
-सकाळी भिजवलेले शेंगदाणे खाल्ल्याने पचनक्रिया सुधारते आणि पोषक तत्वांचे शोषणही सुधारते. पोटाच्या अनेक समस्यांपासूनही हे तुमचे रक्षण करते.
-यात प्रथिने भरपूर असल्याने, भिजवलेले शेंगदाणे खाणे स्नायूंच्या वाढीसाठी आणि विकासासाठी खूप फायदेशीर आहे. 100 ग्रॅम शेंगदाण्यात सुमारे 25 ग्रॅम प्रोटीन असते. याचे सेवन तुम्हाला दिवसभर ताजेतवाने ठेवते.
-शेंगदाण्यामध्ये हेल्दी फॅट्स भरपूर असतात. तसेच कोलेस्ट्रॉल नियंत्रित ठेवण्यास मदत होते. हे चयापचय वाढवण्यास मदत करते आणि रक्त परिसंचरण वाढवते. ज्यामुळे हृदयाला पुरेसे पोषण मिळते आणि योग्य प्रकारे कार्य करता येते. म्हणूनच याचे दिवसात एकदातरी सेवन करण्याचा सल्ला दिला जातो.
-बदामासारखे पाण्यात भिजवलेले शेंगदाणे खाल्ल्याने मानसिक आरोग्य सुधारण्यास मदत होते. हे स्मरणशक्ती सुधारते आणि मन तीक्ष्ण करते.
-शेंगदाणे त्वचा आणि केसांसाठीही खूप फायदेशीर आहे. प्रथिने आणि अनेक आवश्यक पोषक तत्वांनी समृद्ध असल्याने, ते तुम्हाला निरोगी त्वचा आणि केस मिळविण्यातही मदत करते.
