आजकाल चुकीची जीवनशैली आणि खाण्यापिण्याच्या सवयींमुळे लोकांना अनेक आजारांनी ग्रासले आहे. यातील एक आजार म्हणजे कमी रक्तदाब अर्थात लो ब्लड प्रेशर. आरोग्य तज्ञांच्या मते, कोणत्याही निरोगी व्यक्तीचा रक्तदाब सामान्यत: 120/80 mmHg असावा. जेव्हा हा रक्तदाब 90/60 mmHg पेक्षा कमी असतो, तेव्हा त्याला लो ब्लड प्रेशर म्हणतात.
जीव जाऊ शकतो :- लो बीपी असेल तर चक्कर येणे, डोकेदुखी, उलट्या, थकवा आणि अशक्तपणा अशी लक्षणे लोकांना जाणवतात. त्यावर वेळीच नियंत्रण न ठेवल्यास रुग्णाला हृदयविकाराचा झटकाही येऊ शकतो. आज आम्ही तुम्हाला लो ब्लड प्रेशर नियंत्रित करण्यासाठी 3 खास गोष्टी सांगणार आहोत, ज्यामुळे तुम्ही स्वतःला या आजारापासून दूर ठेवू शकता.
मनुका :- लो ब्लड प्रेशर नियंत्रित करण्यासाठी तुम्ही मनुका खाऊ शकता. रात्री झोपण्यापूर्वी 4-5 मनुके पाण्यात भिजत ठेवा. सकाळी उठल्यानंतर रिकाम्या पोटी मनुके खा. आपण ते पाणी देखील पिऊ शकता. असे केल्याने तुमचा रक्तदाब नॉर्मल राहील.
अश्वगंधा :- लो बीपी नियंत्रित करण्यासाठी अश्वगंधा फायदेशीर मानली जाते. यात शरीरातील रक्तदाब नियंत्रित करणारे अनेक पोषक घटक असतात. यासाठी एक चमचा अश्वगंधा पावडर घ्या. नंतर अर्धा ग्लास कोमट पाण्यात मिसळावे. दिवसातून दोनदा ही पावडर घेतल्यास तुमचा बीपी नियंत्रणात राहतो.
तुळशीची पाने:- लो बीपीची समस्या असणाऱ्यांसाठी तुळशीची पाने चांगले उपाय ठरतील. यात पोटॅशियम, व्हिटॅमिन सी आणि मॅग्नेशियम भरपूर प्रमाणात असते. यात अँटीऑक्सिडंट्स देखील असतात जे नियमित रक्तदाब राखण्यास मदत करतात. आरोग्य तज्ज्ञांच्या मते, जर रक्तदाब कमी असेल तर तुळशीची 4 पाने स्वच्छ करून हळूहळू चावून खा. असे केल्याने तुम्ही निरोगी राहाल.
