Ahmednagar Crime News : हिवरे बाजार येथे घरफोडीची घटना घडली होती. या प्रकरणी कैलास जाधव यांनी फिर्याद दिली होती. श्री. जाधव यांनी त्यांच्या फिर्यादीत गणेश सुरेश मेढे याच्यावर संशय व्यक्त केला होता.
नगर तालुका पोलिसांनी मेढे त्वरित अटक केली. सहाय्यक पोलीस निरीक्षक शिशिरकुमार देशमुख यांनी पोलिस उपनिरीक्षक रणजीत मारग, तपासी अंमलदार गायत्री धनवडे, विशाल टकले यांच्या पथकाने आरोपीवर कारवाई केली. त्यांच्याकडून मोटारसायकलवर इतर ऐवज जप्त केला.
तसेच जखणगाव शिवारातील सुभाष साधू भिसे या शेतकऱ्याचे बंद घराच्या दरवाजाचा कडी कोयंडा अज्ञात चोरट्यांनी कशाच्या तरी सहाय्याने तोडून घरात प्रवेश करत कपाटात ठेवलेले दागिने व रोख रक्कम चोरून नेली.
ही घटना बुधवारी (दि. ११) पहाटेच्या सुमारास घडली. याबाबत दुपारी भिसे यांनी नगर तालुका पोलिस ठाण्यात दिलेल्या फिर्यादीवरून अज्ञात चोरट्यांच्या विरुद्ध गुन्हा दाखल करण्यात आला आहे.
