PP Reddy : देशात अनेक श्रीमंत व्यक्ती आहेत. या श्रीमंतांच्या यादीत पी. पी. रेड्डी हे देशातील ५४ वे सर्वात श्रीमंत व्यक्ती आहेत. फोर्ब्सने त्यांची संपत्ती 37 हजार 300 कोटी रुपये असल्याचा अंदाज व्यक्त केला आहे. 360 वन वेल्थ हुरुन इंडिया रिच लिस्ट 2023 नुसार,
उद्योगपती पी. पी. रेड्डी हे अभियांत्रिकी आणि बांधकाम उद्योगातील सर्वात श्रीमंत व्यक्ती आहेत आणि रेड्डी यांनी गेल्या वर्षभरात त्यांच्या संपत्तीत सुमारे 24,700 कोटी रुपयांची भर घातली आहे. पीपी रेड्डी यांना हा व्यवसाय व पैसे विरासत मध्ये मिळाले असे तुम्हाला वाटत असेल तर तुम्ही पूर्णपणे चुकीचे आहात.
पी. पी. रेड्डी यांचा जन्म एका सामान्य शेतकरी कुटुंबात झाला. रेड्डी हे त्यांच्या आई-वडिलांचे पाचवे अपत्य आहे. त्यांना कसलीही व्यवसायाची कल्पना नव्हती. परंतु काहीतरी वेगळे करून दाखवायचे या हेतूने त्यांनी सुरवात केली व आज कोट्यवधींची कंपनी उभी केली.
* पी. पी. रेड्डी यांचा प्रवास
त्यांच्या कुटुंबातील कोणीही व्यवसायाशी निगडित नव्हते. परंतु काहीतरी वेगळे करून दाखवण्याच्या उमेदीने रेड्डी यांनी 1989 मध्ये दोन कर्मचाऱ्यांसह मेघा इंजिनीअरिंग एंटरप्राइझची स्थापना केली. गेल्या 33 वर्षांत कंपनीने मोठी प्रगती केली असून भारतातील सर्वात श्रीमंत व्यक्तींच्या यादीत त्यांचाच समावेश झाला आहे. मेघा इंजिनीअरिंग अँड इन्फ्रास्ट्रक्चर लिमिटेड असे पीपी रेड्डी यांच्या कंपनीचे नाव आहे.
सुरुवातीला पीपी रेड्डी यांच्या कंपनीने नगरपालिकांसाठी छोटे पाइप तयार करण्याचे काम सुरु केले. त्यानंतर दोन वर्षांनी पी. पी. रेड्डी यांचे रिलेटिव्ह पीव्ही कृष्णा रेड्डी हेदेखील कंपनीत रुजू झाले. त्यानंतर दोघांनीही मागे वळून पाहिले नाही. मेघा इंजिनीअरिंग जी छोट्या पाईपलाईनचे काम करत होती तिने रस्ते, बंधारे आणि नैसर्गिक वायू वितरण नेटवर्क आणि उपसिंचन प्रकल्प बांधण्यास सुरुवात केली.
आता कंपनीने मोठ्या पायाभूत प्रकल्पांच्या उभारणीमधील तज्ज्ञ म्हणून स्वत:ला प्रस्थापित केले आहे. रेड्डीजने भारतातील सर्वात मोठा सिंचन लिफ्ट प्रकल्प उभारला आहे. रेड्डी हे हैदराबादमध्ये एका आलिशान घरात राहतात. या घराला डायमंड हाऊस म्हणून ओळखले जाते. अशा पद्धतीने त्यांनी अगदी सामान्य कुटुंबात जन्म घेऊनही मोठा नाव लौकिक कमवला आहे.
