Healthy Diet Changes : हवामान बदलत आहे. हळूहळू थंडी वाढू लागली आहे. थंडीमध्ये आरोग्य बिघडण्याचा धोका सर्वाधिक असतो. अशास्थितीत ज्यांची रोगप्रतिकारशक्ती कमकुवत असते ते या ऋतूत लवकर आजारी पडतात. अशावेळी त्यांना त्यांच्या आहाराकडे विशेष लक्ष देण्याची गरज असते. या ऋतूत बऱ्याच जणांना सर्दी-खोकला जाणवतो. अशावेळी स्वत:ला निरोगी ठेवण्यासाठी तुम्ही सकस आहाराची मदत घेऊ शकता.
जर तुम्ही आरोग्यदायी गोष्टींचे सेवन केले तर तुम्ही आजारी पडण्यापासून स्वतःचा बचाव करू शकता. होय, योग्य आहार घातल्याने तुम्ही कमी आजारी पडता, आजच्या या लेखात आपण आहाराशी संबंधित काही महत्त्वाचे बदल जाणून घेणार आहोत. चला तर….
हिवाळ्याच्या दिवसात असा ठेवा आहार !
आहारात संपूर्ण धान्याचा समावेश करा
ओट्स, ब्राऊन राइस आणि नाचणी इत्यादी संपूर्ण धान्यांचा आहारात समावेश करा. या धान्यांमध्ये फोलेट, लोह आणि मॅग्नेशियमसारखे पोषक घटक असतात. या धान्यांचे सेवन केल्याने रोगप्रतिकारशक्ती मजबूत होते. आणि तुम्ही कमी आजारी पडता.
आहारातून कॅफिन सारखे पदार्थ काढून टाका
या ऋतूत निरोगी राहण्यासाठी तुमच्या आहारातून कॅफिन काढून टाका. हिवाळ्यात शरीरातील सर्दी दूर करण्यासाठी आपण चहा किंवा कॉफीचे अधिक सेवन करू लागतो. पण या सवयीमुळे तुमचे आरोग्य बिघडू शकते. हर्बल चहाचा आहारात समावेश करा. या ऋतूत तुम्ही हळद, आले, पुदिना, लेमनग्रास आणि ब्लॅक टी चे सेवन करू शकता.
आहारात ताजी फळे आणि भाज्यांचा समावेश करा
हवामानातील बदलामुळे अतिसार, उलट्या, पोटदुखी, गॅस, ॲसिडिटी, बद्धकोष्ठता अशा पोटाशी संबंधित समस्या उद्भवू लागतात. या ऋतूत पालकाचे सेवन करावे. पालक खाल्ल्याने तुमची प्रतिकारशक्ती मजबूत होईल आणि लोहाची कमतरता दूर होईल. तसेच या फळांचा देखील आहारात समावेश करा.
कॅलरीज कमी करा आणि आहारातील प्रथिने वाढवा
तुम्हाला तुमच्या आहारात पहिला मोठा बदल करावा लागेल तो म्हणजे तुमच्या आहारातील कॅलरीज कमी करणे. तसेच तुमच्या आहारातील प्रथिनांचे प्रमाण वाढवा. प्रथिनांच्या कमतरतेमुळे प्रतिकारशक्ती कमकुवत होते आणि सर्दी-खोकल्यासारख्या समस्या निर्माण होतात. जर तुमची प्रतिकारशक्ती कमकुवत असेल, तर तुम्हाला आजारांना सामोरे जाण्यास वेळ लागेल, म्हणून तुमच्या प्रथिनांच्या सेवनाकडे लक्ष द्या. नाश्त्यामध्ये प्रथिने समाविष्ट करण्यासाठी कडधान्ये किंवा अंडी यांचा समावेश करा.
ड्राय फ्रुट्सचा आहारात समावेश करा
थंडीमध्ये सुक्या मेव्याचे सेवन केल्याने रोगप्रतिकारशक्ती मजबूत करता येते. फायबर आणि जीवनसत्त्वे यांसारखी पोषक तत्त्वे सुक्या मेव्यामध्ये आढळतात. रोगप्रतिकारक शक्तीसाठी, आपल्या आहारात बदामांचा समावेश करा. या ऋतूत अंजीर खाल्ल्याने शरीरातील ऊर्जा पातळी वाढते. अक्रोडाचे सेवन केल्याने हृदयाच्या समस्या दूर होण्यास मदत होते. याशिवाय तुम्ही तुमच्या आहारात काजू आणि शेंगदाणे देखील समाविष्ट करू शकता.
