IDBI Bank FD : IDBI बँकेने अमृत महोत्सव FD मधील गुंतवणुकीची अंतिम मुदत 30 नोव्हेंबर 2023 ते 31 डिसेंबर 2023 पर्यंत वाढवली आहे. आता गुंतवणूकदार येथे 31 डिसेंबर 2023 पर्यंत गुंतवणूक करू शकतात. सध्या एफडी ही लोकप्रिय गुंतवणूक होत चालली आहे, अशातच बँका देखील ग्राहकांना आकर्षित करण्यासाठी वेगवगेळ्या एफडी योजना आणत असतात.
यातीलच एक म्हणजे IDBI बँकेची अमृत महोत्सव FD. या एफडीमध्ये गुंतवणूक करण्याची शेवटची तारीख 30 नोव्हेंबर 2023 होती आता ती वाढवून 31 डिसेंबर 2023 करण्यात आली आहे. चला तर मग IDBI बँकेच्या अमृत महोत्सव एफडीची खासियत आणि व्याजदर जाणून घेऊया.
IDBI बँक 375 दिवस आणि 444 दिवसांचे दोन विशेष एफडी अमृत महोत्सव चालवत आहे. बँक या FD योजनेवर सर्वाधिक व्याजदर देत आहे. या FD योजनेत गुंतवणूक करण्याची अंतिम तारीख आता 31 डिसेंबर 2023 पर्यंत वाढवण्यात आली आहे. सणासुदीच्या ऑफर्स लक्षात घेऊन अमृत महोत्सव एफडी वाढवण्यात आल्याचे IDBI बँकेच्या वेबसाइटवर सांगण्यात आले आहे.
अमृत महोत्सव 444 दिवस FD
IDBI बँक नियमित ग्राहकांना NRI आणि NRO ग्राहकांना 444 दिवसांसाठी अमृत महोत्सव FD योजनेत गुंतवणुकीवर 7.15% व्याज दर देत आहे. ज्येष्ठ नागरिकांना ७.६५% दराने व्याज मिळत आहे. बँक गुंतवणूकदारांना ही FD मुदतीपूर्वी काढण्याची आणि बंद करण्याची परवानगी देते.
अमृत महोत्सव FD 375 दिवस
आयडीबीआय बँक 375 दिवसांसाठी अमृत महोत्सव एफडीमध्ये गुंतवणूक करणाऱ्या ज्येष्ठ नागरिकांना 7.65% व्याज देत आहे. त्याच वेळी, ते नियमित ग्राहक, NRI आणि NRO ग्राहकांना 375 दिवसांच्या FD वर 7.10% व्याज देत आहे. यात वेळेपूर्वी पैसे काढणे किंवा बंद करण्याचा पर्यायही दिला जातो.
IDBI बँक FD दर
7-30 दिवस 3.00 टक्के, ३१-४५ दिवस ३.२५ टक्के, 46- 90 दिवस 4.00 टक्के, 91-6 महिने 4.50 टक्के, 6 महिने 1 दिवस ते 1 वर्षापेक्षा कमी 5.75 टक्के,
1 वर्ष ते 2 वर्षे (375 दिवस आणि 444 दिवस वगळता) 6.80 टक्के, 2 वर्षे ते 5 वर्षे 6.50 टक्के, 5 वर्षे ते 10 वर्षे 6.25 टक्के, 10 वर्षे ते 20 वर्षे 4.80 टक्के,
5 वर्षे 6.50 टक्के.
