Post Office Schemes : स्त्रिया बहुतेकदा असे गुंतवणूक पर्याय शोधतात जिथे पैशांची सुरक्षितता आणि जास्त परतावा मिळेल. अशास्थितीत पोस्ट ऑफिस योजना त्यांच्यासाठी उत्तम पर्याय आहेत. कारण येथे पैशांच्या सुरक्षिततेसह जबरदस्त परतावा देखील मिळतो. पोस्ट ऑफिसमध्ये अशा अनेक योजना आहेत, ज्या चांगला परतावा देऊ शकतात. आज आपण गुंतवणुकीच्या दृष्टीने महिलांसाठी सर्वोत्तम मानल्या जाणाऱ्या 5 योजनांबद्दल जाणून घेणार आहोत. चला तर मग…
पीपीएफ गुंतवणूक
सार्वजनिक भविष्य निर्वाह निधी योजना (PPF) ही एक दीर्घकालीन बचत योजना आहे ज्यामध्ये महिला गुंतवणूक करून त्यांचे भविष्य सुरक्षित करू शकतात. या योजनेअंतर्गत सरकार सध्या ठेवींवर ७.१ टक्के व्याजदर देत आहे. जर तुम्ही दरवर्षी 1 लाख रुपये 15 वर्षांसाठी गुंतवले तर मॅच्युरिटीवर तुम्हाला सुमारे 31 लाख रुपये मिळतील.
सुकन्या समृद्धी योजना
सुकन्या समृद्धी योजना ही पोस्ट ऑफिस योजना आहे जी विशेषतः मुलींसाठी सुरू करण्यात आली आहे. या योजनेअंतर्गत तुम्ही 10 वर्षांपर्यंतच्या मुलीच्या नावावर खाते उघडू शकता. या खात्यात तुम्ही जास्तीत जास्त 250 ते 1.5 लाख रुपयांची गुंतवणूक करू शकता. सध्या सरकार या योजनेअंतर्गत ठेवींवर ८ टक्के व्याजदर देत आहे.
राष्ट्रीय बचत प्रमाणपत्र
नॅशनल सेव्हिंग सर्टिफिकेट हा महिलांसाठी गुंतवणुकीचा एक चांगला पर्यायही ठरू शकतो. या योजनेअंतर्गत तुम्ही 1000 रुपयांपासून रक्कम गुंतवू शकता. येथील ठेवींवरील व्याज दर 7.7 टक्के दराने उपलब्ध आहे. या योजनेचा एकूण कालावधी ५ वर्षांचा आहे.
मुदत ठेव योजना
पोस्ट ऑफिस टाइम डिपॉझिट स्कीम देखील महिलांसाठी एक चांगला गुंतवणूक पर्याय आहे. या योजनेअंतर्गत तुम्ही दर महिन्याला खात्यात ठराविक रक्कम जमा करू शकता. पोस्ट ऑफिस 5 वर्षांच्या कालावधीसाठी 7.5 टक्के व्याज दर देत आहे.
महिला सन्मान बचत योजना
महिला सन्मान बचत योजना ही सरकारने सुरू केलेली योजना आहे जी खास महिलांसाठी तयार करण्यात आली आहे. या योजनेअंतर्गत महिला 2 लाख रुपयांपर्यंत गुंतवणूक करू शकतात आणि जमा केलेल्या रकमेवर 7.5 टक्के व्याज मिळवू शकतात. या योजनेचा एकूण कालावधी दोन वर्षांचा आहे.
