LIC Jeevan Anand : LIC (भारतीय आयुर्विमा महामंडळ) ही देशातील सर्वात मोठी विमा कंपनी आहे, जी आपल्या ग्राहकांसाठी एका पेक्षा एक योजना ऑफर करते. एलआयसीकडे सर्व वयोगटातील लोकांसाठी पॉलिसी उपलब्ध आहेत, ज्यामध्ये तुम्ही थोड्या प्रमाणात गुंतवणूक करूनही मोठा निधी जमा करू शकता. आज आपण LIC च्या अशाच एका योजनेबद्दल जाणून घेणार आहोत.
LIC ची जीवन आनंद पॉलिसी ही अशीच एक योजना आहे, जिथे तुम्ही अगदी कमी गुंतवणुकीत उत्तम परतावा कमावू शकता. या योजनेत तुम्ही दररोज फक्त 45 रुपये वाचवून 25 लाख रुपयांचा मोठा निधी जमा करू शकता. तसेच या योजनेत तुम्हाला अनेक फायदे देखील मिळतात. चला याबद्दल जाणून घेऊया..
जर तुम्हाला कमी प्रीमियममध्ये स्वत:साठी मोठा निधी उभा करायचा असेल, तर जीवन आनंद पॉलिसी हा एक उत्तम पर्याय ठरू शकतो. हे एक प्रकारेचे टर्म पॉलिसीसारखे आहे. जोपर्यंत तुमची पॉलिसी लागू आहे तोपर्यंत तुम्ही प्रीमियम भरू शकता. या योजनेत, पॉलिसीधारकाला फक्त एक नाही तर अनेक मॅच्युरिटी लाभ मिळतात.
एलआयसी जीवन आनंद पॉलिसीमध्ये, तुम्ही दरमहा सुमारे 1358 रुपये जमा करून 25 लाख रुपये मिळवू शकता. जर आपण दररोज पाहिले तर आपल्याला दररोज 45 रुपये वाचवावे लागतील. तुम्हाला ही बचत दीर्घ मुदतीसाठी करावी लागेल. या पॉलिसी अंतर्गत, जर तुम्ही दररोज 45 रुपये वाचवले आणि 35 वर्षांसाठी गुंतवणूक केली, तर या योजनेची मॅच्युरिटी पूर्ण झाल्यानंतर तुम्हाला 25 लाख रुपये मिळतील. जर आपण वार्षिक आधारावर बचत केलेली रक्कम पाहिली तर ती सुमारे 16,300 रुपये असेल.
तुम्ही या LIC पॉलिसीमध्ये 35 वर्षांसाठी दरवर्षी 16,300 रुपये गुंतवल्यास, जमा केलेली एकूण रक्कम 5,70,500 रुपये होईल. आता पॉलिसीच्या मुदतीनुसार, मूळ विमा रक्कम रुपये 5 लाख असेल, ज्यामध्ये मॅच्युरिटी कालावधीनंतर तुम्हाला 8.60 लाख रुपयांचा रिव्हिजनरी बोनस आणि 11.50 लाख रुपयांचा अंतिम बोनस दिला जाईल. LIC च्या जीवन आनंद पॉलिसीमध्ये दोनदा बोनस दिला जातो, परंतु यासाठी तुमची पॉलिसी 15 वर्षांची असणे आवश्यक आहे.
भारतीय आयुर्विमा महामंडळाची जीवन आनंद पॉलिसी घेणाऱ्या पॉलिसीधारकांना या योजनेअंतर्गत कोणत्याही कर सवलतीचा लाभ दिला जात नाही. तथापि, जर आपण त्याचे फायदे पाहिले तर आपल्याला त्यात चार प्रकारचे रायडर्स मिळतात. यामध्ये अपघाती मृत्यू आणि अपंगत्व रायडर, अपघात लाभ रायडर, नवीन टर्म इन्शुरन्स रायडर आणि नवीन गंभीर लाभ रायडर यांचा समावेश आहे.
या पॉलिसीमध्ये केवळ मृत्यू लाभ बेनिफिट जोडण्यात आला आहे. याचा अर्थ, पॉलिसीधारकाचा कोणत्याही कारणाने मृत्यू झाल्यास, नॉमिनीला पॉलिसीचा 125 टक्के मृत्यू लाभ मिळेल.
