Fixed Deposit : अलीकडेच RBI ने आपल्या पॉलिसी व्याजदरात कोणताही बदल केलेला नाही. त्यामुळे मुदत ठेवी पुन्हा एकदा आकर्षणाचे केंद्र बनल्या आहेत. अलीकडेच, देशातील सर्वात मोठी खाजगी बँक HDFC ने त्यांच्या FD व्याजदरात वाढ केली आहे. अशातच गुंतवणूकदारांना आता या बँकेकडून चांगले व्याजदर मिळणार आहेत.
मात्र, मुदत ठेवीच्या बाबतीत, प्रत्येक गुंतवणूकदाराने अनेक बँकांच्या व्याजदरांचे विश्लेषण केले पाहिजे. त्यानंतर ज्या बँकेत, सर्वाधिक परतावा मिळत असेल त्या बँकेत गुंतवणूक करावी. आज आम्ही अशा 6 बँकांच्या FD व्याजदरांची यादी घेऊन आलो आहोत, ज्या सार्वधिक परतावा ऑफर करत आहेत.
ICICI बँक
ICICI बँक एका वर्षाच्या FD वर 7.40 टक्के व्याज देत आहे. 390 दिवस ते 15 महिन्यांच्या FD वर हा परतावा 7.30 टक्के आहे. 15 महिने ते 2 वर्षांच्या FD वर वार्षिक परतावा 7.05 टक्के आहे. बँक 2 वर्षांपेक्षा जास्त कालावधीच्या FD वर 7 टक्के व्याज देते. नवीन दर 8 फेब्रुवारी 2024 पासून लागू झाले आहेत.
एचडीएफसी बँक
एका वर्षाच्या एफडीवर, बँक सामान्य ग्राहकांना 6.60 टक्के आणि ज्येष्ठ नागरिकांना 7.10 टक्के परतावा देत आहे. 15 ते 18 महिन्यांच्या FD वर 7.10 टक्के व्याजदर आहे. 18-21 महिन्यांच्या FD वर बँक 7.25 टक्के व्याज देत आहे. बँक 21 महिने ते 2 वर्षे आणि 11 महिन्यांच्या FD वर 7 टक्के व्याज देत आहे. 2 वर्षे 11 महिने ते 35 महिन्यांच्या FD वर 7.15 टक्के व्याजदर आहे. नवे दर 9 फेब्रुवारीपासून लागू झाले आहेत.
स्टेट बँक ऑफ इंडिया
देशातील सर्वात मोठी सरकारी बँक SBI एका वर्षाच्या FD वर 6.80 टक्के परतावा देत आहे. 2 ते 3 वर्षांच्या FD वर परतावा 7 टक्के आणि 3 ते 5 वर्षांच्या FD वर परतावा 6.75 टक्के आहे. 5 वर्षांपेक्षा जास्त कालावधीच्या FD वर परतावा 6.5 टक्के आहे. नवीन दर 27 डिसेंबर 2023 पासून लागू झाले आहेत.
ॲक्सिस बँक
ॲक्सिस बँक 2 कोटी रुपयांपेक्षा कमी असलेल्या एका वर्षाच्या एफडीवर 6.7 टक्के परतावा देत आहे. 2 वर्षांच्या एफडीवर परतावा 7.10 टक्के आहे. 3 वर्षांच्या एफडीवर 7.10 टक्के आणि 5 वर्षांच्या एफडीवर 7 टक्के व्याज मिळेल. हे दर 5 फेब्रुवारी 2024 पासून लागू झाले आहेत.
कोटक महिंद्रा बँक
कोटक महिंद्रा बँक एका वर्षाच्या एफडीवर 7.10 टक्के व्याज देते. 2 वर्षांच्या FD वर परतावा 7.15 टक्के आहे आणि 3 किंवा 4 वर्षांच्या FD वर परतावा 7 टक्के आहे. 5 वर्षांच्या FD वर परतावा 6.20 टक्के आहे.
बँक ऑफ बडोदा
बँक 1-2 वर्षांच्या दरम्यान FD वर 6.85 टक्के परतावा देत आहे. 2-3 वर्षांच्या FD वर परतावा 7.25 टक्के आहे. बँक 4 वर्षांच्या एफडीवर 6.5 टक्के व्याज देत आहे.
