Kia Seltos : Kia India ने आपली नुकतीच लोकप्रिय SUV Seltos नवीन HTK व्हेरियंटसह लॉन्च केली आहे. या नवीन प्रकारात अनेक चांगले फीचर्स पाहायला मिळतील. नुकत्याच लाँच झालेल्या या आलिशान एसयूव्हीने भारतीय बाजारपेठेत खळबळ उडवून दिली आहे. Kia Seltos ची आता थेट भारतातील Hyundai Creta, Maruti Suzuki Grand Vitara, Toyota Hyryder, Skoda Kushaq, Honda Elevate, MG Astor आणि Citroen C3 Air cross या वाहनांशी स्पर्धा होईल.
Kia चे नवीन Seltos HTK व्हेरियंट पेट्रोल IVT आणि डिझेल AT व्हेरियंटमध्ये लॉन्च केले गेले आहे, ज्याची किंमत 15.4 लाख आणि 16.9 लाख रुपये आहे. वैशिष्ट्यांबद्दल बोलायचे झाल्यास, या नवीन प्रकारात ड्युअल पॅनोरामिक सनरूफ, ड्राइव्ह आणि ट्रॅक्शन कंट्रोल, पॅडल शिफ्ट एलईडी कनेक्टेड टेल लॅम्प, ड्युअल झोन ऑटोमॅटिक एसी आणि 10.25 इंच ड्युअल पॅनोरॅमिक डिस्प्ले यांसारखी वैशिष्ट्ये आहेत.
मागील मॉडेलच्या तुलनेत 2024 सेल्टोसच्या डिझाइनमध्ये बरेच बदल करण्यात आले आहेत. नवीन टायगर नोज ग्रिल, एलईडी हेडलॅम्प आणि डीआरएल, स्लीक आणि स्टायलिश फॉग लॅम्प हे पूर्वीपेक्षा अधिक आकर्षक बनवतात. तसेच, 16 इंच किंवा 18 इंच अलॉय व्हील्स याला स्पोर्टी लुक देतात.
नवीन सेल्टोसचे आतील भाग प्रीमियम फीलने परिपूर्ण आहे. ड्युअल-टोन डॅशबोर्ड, लेदर अपहोल्स्ट्री आणि 10.25-इंच टचस्क्रीन इन्फोटेनमेंट सिस्टीम याला खूप आलिशान बनवते. त्याच वेळी, पॅडल शिफ्टर्स, वायरलेस फोन चार्जिंग, डिजिटल इन्स्ट्रुमेंट क्लस्टर यांसारख्या वैशिष्ट्यांमुळे ड्रायव्हिंगचा अनुभव आणखी चांगला होतो.
2024 सेल्टोस देखील सुरक्षिततेच्या बाबतीत ही कार मागे नाही. यामध्ये 6 एअरबॅग्ज, अँटी-लॉक ब्रेकिंग सिस्टम (ABS), इलेक्ट्रॉनिक ब्रेकफोर्स डिस्ट्रिब्युशन (EBD), आणि हिल स्टार्ट असिस्ट (HSA) सारखी मानक वैशिष्ट्ये आहेत. याशिवाय, ADAS (Advanced Driver Assistance Systems) ची लेव्हल 2 वैशिष्ट्ये देखील टॉप व्हेरियंटमध्ये उपलब्ध आहेत, ज्यात लेन डिपार्चर वॉर्निंग, ब्लाइंड स्पॉट मॉनिटरिंग आणि ऑटोमॅटिक इमर्जन्सी ब्रेकिंग यांसारख्या वैशिष्ट्यांचा समावेश आहे.
