Tata Curvv EV : भारतीय बाजारपेठेत टाटा मोटर्सचे वर्चस्व कायम आहे. ICE इंजिन कारसोबतच कंपनी इलेक्ट्रिक सेगमेंटमध्येही आघाडीवर आहे. कंपनी सध्या आपल्या इलेक्ट्रिक लाइनअपचा विस्तार करण्याचा विचार करत आहे.
सध्या कपंनी नवीन Curvv इलेक्ट्रिक कार लॉन्च करण्याच्या तयारीत आहे. कंपनीने त्याचा टीझर रिलीज केला आहे. नवीन Tata Curve 2023 ऑटो एक्स्पो आणि भारत मोबिलिटी शोमध्ये सादर करण्यात आली होती. ही एक कूप एसयूव्ही आहे.
Nexon EV, Punch EV, Tigor EV आणि Tiago EV नंतर, आता लवकरच तुम्हाला Tata Curvv EV देखील बाजारात दिसेल. मीडिया रिपोर्ट्सनुसार, कंपनी प्रथम Tata Curvv चे इलेक्ट्रिक व्हर्जन सादर करणार आहे. यानंतर ICE आवृत्ती लाँच केली जाईल. Tata Curvv EV ची वैशिष्ट्ये काय आहेत पाहूया…
Tata Curvv EV ची वैशिष्ट्ये
या इलेक्ट्रिक कारच्या टीझरमध्ये तिच्या डिझाइनची झलक दिसते आहे. नवीन Curvv इलेक्ट्रिक कार आगामी मारुती सुझुकी ईव्हीएक्स आणि ह्युंदाई क्रेटा ईव्हीला कठीण टक्कर देईल.
14-सेकंदाच्या टीझर व्हिडिओमध्ये, तुम्ही नवीन Curve EV चे बाह्य डिझाइन पाहायला मिळत आहे. यात एलईडी हेडलॅम्प, फ्लश-फिटिंग डोअर हँडल आणि कनेक्टेड एलईडी डीआरएल आहे. त्याचा फ्रंट फेशिया खूपच आकर्षक असणार आहे.
टाटा कर्वच्या अंतर्गत केबिनमध्ये नवीन डिझाइन देखील पाहिले जाऊ शकते. यात 12-इंच टचस्क्रीन इन्फोटेनमेंट सिस्टम, अँड्रॉइड ऑटो, ऍपल कार प्ले, ऑल-डिजिटल इन्स्ट्रुमेंट क्लस्टर, ट्विन-स्पोक स्टीयरिंग व्हील, गरम आणि हवेशीर फ्रंट सीट्स आणि 360-डिग्री कॅमेरा सिस्टम दिली जाऊ शकते.
अहवालानुसार, नवीन Tata Curve इलेक्ट्रिक कार लेव्हल 2 ADAS वैशिष्ट्यांसह सुसज्ज असेल. इलेक्ट्रिक Tata Curve Coupe SUV ला मोठ्या बॅटरी पॅकसह प्रदान केले जाईल, जे एका चार्जवर सुमारे 500 किलोमीटरची रेंज देईल.
मात्र, याबाबत कोणतीही स्पष्ट माहिती नाही. याच्या किमती बद्दल बोलायचे झाल्यास Tata Curvv EV ची एक्स-शोरूम किंमत सुमारे 20 लाख ते 24 लाख रुपये आहे.
तर Tata Curvv ICE आवृत्तीमध्ये 1.2-लीटर TGDI पेट्रोल इंजिन आणि 1.5-लीटर टर्बो डिझेल इंजिन मिळेल. या इंजिनसोबत 6-स्पीड मॅन्युअल आणि DCT गिअरबॉक्सचा पर्याय दिला जाऊ शकतो. त्याची सुरुवातीची किंमत सुमारे 15 लाख रुपये असेल.
