How To Get Birth Certificate : कोणत्याही शासकीय किंवा निमशासकीय कामांमध्ये वेगवेगळ्या प्रकारचे कागदपत्रे सादर करावी लागतात. यामध्ये आधार कार्ड, पॅन कार्ड, मतदान कार्ड, रेशन कार्ड अशा अनेक कागदपत्रांचा समावेश होतो. जन्म दाखला हे देखील असेच एक महत्त्वाचे प्रमाणपत्र आहे. हे कागदपत्र जवळपास सर्वच शासकीय आणि निम शासकीय कामांमध्ये वापरले जाते.
काही योजनांचा लाभ घेण्यासाठी देखील जन्म प्रमाणपत्राची आवश्यकता भासत असते. जन्म प्रमाणपत्र हे एक असे कागदपत्र आहे जे व्यक्तीचे जन्म ठिकाण, वेळ अन तारीख अधोरेखित करते. हे एक शासकीय कागदपत्र असून या कागदपत्राविना अनेक महत्त्वाची कामे अडकू शकतात.
काही अन्य शासकीय कागदपत्रे काढण्यासाठी देखील जन्म दाखला चा उपयोग होत असतो. अशा परिस्थितीत आज आपण जन्म दाखला काढण्यासाठी काय प्रोसेस असते आणि यासाठी कोणकोणती कागदपत्रे लागतात याविषयी थोडक्यात माहिती जाणून घेण्याचा प्रयत्न करणार आहोत.
जन्म दाखला केव्हा काढला जातो
बाळाचा जन्म झाल्यानंतर 21 दिवसांच्या आत जन्म दाखला प्रमाणपत्र काढावे लागते. जाणकार लोकांनी दिलेल्या माहितीनुसार अर्ज केल्यानंतर जन्म दाखला अवघ्या एका आठवड्याच्या आत मिळून जातो. दरम्यान आता आपण जन्म दाखला काढण्याची ऑनलाईन आणि ऑफलाईन प्रोसेस नेमकी कशी आहे या संदर्भात माहिती पाहणार आहोत.
जन्म दाखला काढण्याची ऑनलाइन प्रोसेस
जन्म दाखला काढण्यासाठी तुम्हाला अधिकृत संकेतस्थळावर जाऊन तेथे रजिस्ट्रेशन पूर्ण करावे लागणार आहे. रजिस्ट्रेशन पूर्ण केल्यानंतर तुम्हाला युजर आयडी आणि पासवर्ड दिला जाईल. या युजर आयडी आणि पासवर्ड चा वापर करून तुम्हाला पुन्हा एकदा या वेबसाईटवर लॉगिन करावे लागणार आहे.
यानंतर तुम्हाला वेबसाईटवर बर्थ या पर्यायावर क्लिक करून ऍड बर्थ रजिस्ट्रेशन हा पर्याय सिलेक्ट करावा लागणार आहे. मग तुमच्यासमोर एक फॉर्म ओपन होईल त्यामध्ये विचारलेली सर्व माहिती जसे की नाव, जन्मतारीख, पत्ता, आईचे नाव, वडिलांचे नाव अचूक भरायची आहे मग हा फॉर्म सेव्ह करायचा आहे.
फॉर्म सेव केल्यानंतर तुम्हाला जन्म दाखला काढण्यासाठी आवश्यक कागदपत्रांची फोटो कॉपी स्कॅन करून अपलोड करायची आहे आणि आणि सेव्ह करायचे आहे. मग तुम्हाला अर्जाचा प्रिव्ह्यू दिसेल, तिथे एकदा सगळी माहिती अचूक आहे की नाही ते तपासून घ्यावे लागेल.
यानंतर तुम्हाला तुमचा अर्ज सबमिट करायचा आहे. मग तुम्हाला एक पावती दिली जाणार आहे. नंतर तुम्ही भरलेल्या अर्जाची पावती तुम्हाला दिली जाईल. एकदा अर्ज सबमिट झाला की एका आठवड्यात तुम्हाला जन्म दाखला मिळेल.
ऑफलाइन प्रोसेस कशी आहे.
जन्मदाखला ऑफलाईन काढायचा असेल तर यासाठी ग्रामपंचायत, नगरपालिका किंवा महानगरपालिका कार्यालयात जावे लागणार आहे. येथे तुम्हाला जन्म दाखला मिळण्याबाबतचा फॉर्म घेऊन तो फॉर्म काळजीपूर्वक भरायचा आहे. हा फॉर्म भरल्यानंतर यासाठी आवश्यक कागदपत्रे जोडून हा फॉर्म जमा करायचा आहे. अशा तऱ्हेने तुमचा अर्ज सबमिट होणार आहे.
जन्म दाखल्यासाठी कोणकोणती कागदपत्रे लागतात
पालकांचे ओळखपत्र, जन्मस्थान सांगणारा पुरावा (रुग्णालयातील पावती), पालकांच्या लग्नाचे प्रमाणपत्र (पर्यायी)
जन्म नोंदणीसं उशीर झाला तर कोणती कागदपत्रे लागतात?
अर्जदाराचे ओळखपत्र, शाळा सोडल्याचा दाखला, आई-वडिलांचे ओळखपत्र, जन्म झालेल्या रुग्णालयाचे प्रमाणपत्र, जन्म रुग्णालयात न झाल्यास पालकांचे शपथपत्र
