SBI Car Loan Details : एसबीआय अर्थात स्टेट बँक ऑफ इंडिया ही देशातील सर्वात मोठी सरकारी बँक. या बँकेचे करोडो कस्टमर आहेत. बँकेच्या माध्यमातून आपल्या ग्राहकांना परवडणारे इंटरेस्ट रेट वर विविध प्रकारचे कर्ज उपलब्ध करून दिले जात आहे.
यामध्ये कार लोन अर्थातच वाहन कर्जाचा देखील समावेश होतो. दरम्यान आज आपण एसबीआय बँकेच्या याच वाहन कर्जाच्या संदर्भात थोडक्यात माहिती जाणून घेण्याचा प्रयत्न करणार आहोत.
एसबीआय बँकेकडून जर नवीन कार खरेदी करण्यासाठी दहा लाख रुपयांचे लोन घेतले गेले तर किती रुपयांचा मासिक हप्ता भरावा लागू शकतो या संदर्भातील संपूर्ण कॅल्क्युलेशन आज आपण अगदी थोडक्यात पाहण्याचा प्रयत्न करणार आहोत.
१० लाखांचे कार लोन घेतल्यास कितीचा हप्ता भरावा लागणार?
सध्या नवरात्र उत्सवाचा हंगाम सुरू आहे. या नवरात्र उत्सवाच्या आनंददायी पर्वात अनेक जण नवीन वाहन खरेदी करण्याच्या तयारीत आहेत. अनेकांनी विजयादशमी अर्थातच दसऱ्याला नवीन गाडी खरेदी करण्याचा प्लॅन बनवलेला आहे.
जर तुम्हीही दसऱ्याच्या मुहूर्तावर नवीन कार खरेदी करणार असाल आणि यासाठी तुम्हाला कर्ज घ्यायचे असेल तर एसबीआय बँकेचा पर्याय तुमच्यासाठी बेस्ट ठरणार आहे.
आम्ही आपल्या माहितीसाठी या ठिकाणी नमूद करू इच्छितो की एसबीआय आपल्या ग्राहकांना किमान 9.15% दराने कार लोन उपलब्ध करून देते. जर तुमचा क्रेडिट स्कोर चांगला असेल तर तुम्हालाही बँकेकडून या किमान व्याजदरात कार लोन मिळू शकते.
जर बँकेच्या या किमान व्याजदरात दहा लाख रुपयांचे कर्ज पाच वर्षे कालावधीसाठी मंजूर झाले तर तुम्हाला 20 हजार 831 रुपयांचा मासिक हप्ता भरावा लागणार आहे. म्हणजेच या काळात तुम्हाला बारा लाख 49 हजार 860 रुपये भरावे लागणार आहेत.
अर्थातच दहा लाख रुपयांच्या कार लोन साठी तुम्हाला दोन लाख 49 हजार 860 रुपये व्याज म्हणून द्यावे लागतील. पण जर तुम्ही मध्येच कार लोन साठी प्रीपेमेन्ट केले तर तुम्हाला कमी हप्ता भरावा लागणार आहे.
एसबीआय बँक कार लोनच्या प्रीपेमेंटवर कोणत्याच प्रकारचे शुल्क वसूल करत नाही. यामुळे एसबीआय बँकेचे वाहन कर्ज ग्राहकांसाठी फायदेशीर ठरत आहेत.
म्हणून जर तुम्हीही येत्या काही दिवसांनी नवीन गाडी घेणार असाल आणि यासाठी वाहन कर्ज घेण्याच्या तयारीत असाल तर तुमच्यासाठी एसबीआय या सरकारी बँकेचा पर्याय एक बेस्ट ऑप्शन ठरणार आहे.
