SBI Home Loan : जर तुम्हालाही तुमच्या ड्रीम होमचे स्वप्न साकार करायचे असेल तर तुमच्यासाठी आजची बातमी कामाची ठरणार आहे. खरेतर अलीकडे घरांच्या किमती विक्रमी वाढल्या आहेत. यामुळे घर खरेदीसाठी आता पगारदार लोक होम लोनचा पर्याय स्वीकारत आहेत. होम लोन मुळे अनेकांचे घर खरेदीचे स्वप्न पूर्ण झाले आहे.
दरम्यान, जर तुम्हीही आगामी काळात घर खरेदी करण्यासाठी होम लोन घेण्याच्या तयारीत असाल तर तुमच्यासाठी आजचा लेख कामाचा ठरणार आहे. कारण की, आज आपण देशातील सर्वात मोठ्या सरकारी बँकेच्या अर्थातच एसबीआयच्या होम लोन ची माहिती पाहणार आहोत.
कसे आहे एसबीआयचे होम लोन ?
स्टेट बँक ऑफ इंडिया ही देशातील सर्वात मोठी सरकारी बँक आपल्या ग्राहकांना परवडणाऱ्या व्याजदरात गृह कर्ज उपलब्ध करून देते. ही बँक किमान 8.50% व्याज दरावर आपल्या ग्राहकांना गृह कर्ज उपलब्ध करून देत असल्याची माहिती समोर आली आहे.
मात्र, ज्या ग्राहकांचा सिबिल स्कोर हा 800 च्या आसपास असतो अशाच ग्राहकांना बँकेकडून या किमान इंटरेस्ट रेट वर होम लोन उपलब्ध करून दिले जाते.
जर समजा बँकेच्या या किमान व्याजदरात म्हणजेच 8.50% या रेटमध्ये 49 लाख रुपयांचे गृह कर्ज 25 वर्ष कालावधीसाठी मंजूर झाले तर ग्राहकांना 39,456 एवढा मासिक हप्ता भरावा लागणार आहे.
म्हणजेच या कालावधीत सदर ग्राहकाला एक कोटी 18 लाख 36 हजार आठशे रुपये भरावे लागणार आहेत. म्हणजे सदर ग्राहकाला 69 लाख 36 हजार 800 रुपये हे निव्वळ व्याज म्हणून भरावे लागणार आहेत.
इथे एक गोष्ट लक्षात घ्या की, या कॅल्क्युलेशन मध्ये फक्त व्याजाच्या रकमेचा समावेश आहे. यात प्रोसेसिंग फी समाविष्ट नाहीये. यामुळे जेव्हा तुम्हीही एसबीआय बँकेकडून गृह कर्ज घेण्यासाठी जाल तेव्हा प्रोसेसिंग फी नेमकी किती लागणार ? याचीही विचारणा तुम्हाला करावी लागणार आहे.
