Government Scheme : नरेंद्र मोदी सरकारने 2014 मध्ये पहिल्यांदा सत्ता स्थापित केली. आपल्या पहिल्या कार्यकाळात नरेंद्र मोदी सरकारने सर्वसामान्य नागरिकांसाठी अनेक मोठमोठे योजना सुरू केल्यात. आपल्या दुसऱ्या कार्यकाळात सुद्धा सरकारने अशा अनेक योजना सुरू केल्या ज्याद्वारे सर्वसामान्यांचे हित जोपासण्याचा प्रयत्न सरकारकडून झाला.
मोदी सरकारने आपल्या दुसऱ्या कार्यकाळात नागरिकांना सवलतीच्या व्याजदरात कर्ज सुविधा देखील उपलब्ध करून दिली. यासाठी नरेंद्र मोदी यांच्या नेतृत्वातील सरकारने प्रधानमंत्री विश्वकर्मा योजना सुरु केली. ही स्कीम 17 सप्टेंबर 2023 रोजी विश्वकर्मा जयंतीनिमित्त सुरू करण्यात आली होती.
या योजनेने असंघटित क्षेत्रातील कामगारांना केंद्रस्थानी ठेवले आहे. यामध्ये लोहार, सोनार, कुंभार, शिल्पकार, सुतार अशा कारागिरांचा समावेश आहे. पंतप्रधान नरेंद्र मोदी यांनी या योजनेची घोषणा झाली तेव्हापासूनच ही योजना चर्चेत आहे.
या योजनेला जबरदस्त प्रतिसाद मिळत असून अवघ्या काही दिवसातच योजना देशभरात लोकप्रिय झाली आहे. या योजनेत सुरुवातीपासूनच कारागिरांनी रस दाखवला आहे. या योजनेअंतर्गत 25.8 दशलक्ष अर्ज सादर करण्यात आले आहेत.
यापैकी 2.37 दशलक्ष अर्जदारांनी तीन-चरण पडताळणी प्रक्रिया पूर्ण केल्यानंतर यशस्वीरित्या नोंदणी केली आहे. याव्यतिरिक्त, सुमारे 1 दशलक्ष नोंदणीकृत कारागिरांना ई-व्हाउचरद्वारे 15,000 रुपयांपर्यंतच्या टूलकिट प्रोत्साहनांचा फायदा झाला आहे, ज्यामुळे त्यांना त्यांची कारागिरी वाढवणारी आधुनिक साधने मिळवता आली आहेत.
पीएम विश्वकर्मा ही केंद्र सरकारची योजना आहे, म्हणजेच या योजनेसाठी संपूर्ण निधी हा केंद्राकडून दिला जातोय. पंतप्रधान नरेंद्र मोदी यांची ही एक महत्त्वाकांक्षी योजना आहे.
पाच वर्षांच्या कालावधीसाठी म्हणजे आर्थिक वर्ष 2023-24 ते आर्थिक वर्ष 2027-28 साठी सरकारने 13,000 कोटी रुपये उपलब्ध करून दिले आहेत. बायोमेट्रिक-आधारित योजना वापरून सामान्य सेवा केंद्रांद्वारे विनामूल्य नोंदणी केली जाते.
आम्ही तुम्हाला सांगतो की, कारागीर आणि कारागीरांना पीएम विश्वकर्मा प्रमाणपत्र आणि ओळखपत्राद्वारे मान्यता दिली जाते. या योजनेच्या लाभार्थ्यांना 5% च्या सवलतीच्या व्याज दरासह 1 लाख रुपये (पहिला हप्ता) आणि 2 लाख रुपये (दुसरा हप्ता) पर्यंतचे तारण-मुक्त कर्ज दिले जात आहे.
भारत सरकार 8% मर्यादेपर्यंत व्याज अनुदान सुद्धा देते. यामुळे या योजनेअंतर्गत घेतलेले कर्ज कारागिरांना परवडणारे असून यामुळे त्यांच्या व्यवसायाला नवीन उभारी मिळणार आहे.
