Upcoming SUV List :- भारतीय वाहन बाजार हा दिवसेंदिवस अधिक विकसित होत चालला आहे आणि ग्राहकांमध्ये SUV श्रेणीतील वाहनांची मागणी प्रचंड वाढलेली दिसते. हल्ली कॉम्पॅक्ट SUV वाहनांना प्रचंड प्रतिसाद मिळत आहे. कारण त्यात स्पेस, परफॉर्मन्स आणि फ्यूल इकॉनॉमी यांचा परिपूर्ण समतोल साधला गेल्याचे दिसून येते.
त्यामुळे प्रमुख ऑटोमोबाईल कंपन्या जसे की मारुती सुझुकी, हुंडई, टाटा मोटर्स, किआ आणि महिंद्रा लवकरच भारतीय बाजारात आपली नवी कॉम्पॅक्ट SUV सादर करण्याच्या तयारीत आहेत. या वाहनांमध्ये प्रगत तंत्रज्ञान, उत्तम लुक्स आणि उत्कृष्ट फीचर्स असतील. चला तर मग या ५ कॉम्पॅक्ट SUV बद्दल सविस्तर माहिती जाणून घेऊया.
१. मारुती सुझुकी फ्रॉन्क्स (Maruti Suzuki Fronx)
मारुती सुझुकी नेहमीच भारतीय ग्राहकांचा विश्वास जिंकत आली आहे. आता ती आपली नवीन कॉम्पॅक्ट SUV फ्रॉन्क्स लवकरच लॉन्च करणार आहे. या कारमध्ये आधुनिक डिझाइनसह प्रगत फीचर्स देण्यात आले आहेत.
फीचर्स : हेडअप डिस्प्ले, मोठा टचस्क्रीन, 360-डिग्री कॅमेरा इत्यादी वैशिष्ट्यांसहित पेट्रोल आणि CNG पर्याय देखील मिळणार आहे.या कार मध्ये 1.2L ड्युअलजेट इंजिन देण्यात आली असून तिची अपेक्षित किंमत: ₹8-12 लाख रुपये इतकी आहे.
२. ह्युंदाई एआय 3 (Hyundai Ai3)
ह्युंदाईने भारतात आपली दमदार उपस्थिती आधीच निर्माण केली आहे, आणि आता ती एआय 3 नावाची नवीन कॉम्पॅक्ट SUV घेऊन येत आहे. ही कार खासकरून सिटी ड्रायव्हिंगसाठी डिझाइन केली गेली आहे.
फीचर्स : नवीन डिझाइनसह प्रीमियम इंटिरियर्स,1.2L Kappa पेट्रोल इंजिन, उच्च दर्जाचे सेफ्टी फीचर्स देखील देण्यात आली आहेत व या कारची अपेक्षित किंमत: ₹6-10 लाख रुपये इतकी असू शकते.
३. टाटा कर्व (Tata Curvv)
टाटा मोटर्स नेहमीच आपले स्वदेशी आणि प्रगत वाहनांसाठी ओळखली जाते. टाटा कर्व ही कंपनीची नवीन कॉम्पॅक्ट SUV आहे जी आकर्षक लुक्स आणि उत्कृष्ट फीचर्ससह येणार आहे.
फीचर्स : पेट्रोल आणि इलेक्ट्रिक दोन्ही पर्यायामध्ये ही कार येणार असून 400 किमीपर्यंतची इलेक्ट्रिक रेंज देऊ शकते.प्रगत कनेक्टेड कार तंत्रज्ञान या कारमध्ये वापरण्यात आले आहे व या कारची अपेक्षित किंमत 10-15 लाख रुपये असू शकते.
४. किआ सोनेट फेसलिफ्ट (Kia Sonet Facelift)
किआ मोटर्सच्या सोनेटने आधीच बाजारात आपली जागा निर्माण केली आहे. आता तिच्या फेसलिफ्ट व्हर्जनसह आणखी प्रगत फीचर्स मिळणार आहेत.
फीचर्स : नवीन डिझाइन आणि स्मार्ट फीचर्स,ड्युअल टोन पेंट ऑप्शन या कारमध्ये देण्यात आले असून ही कार 1.0L टर्बो पेट्रोल इंजिनसह येणार असून या कारची अपेक्षित किंमत: 7.5-12 लाख पर्यंत असू शकते.
५. महिंद्रा XUV 300 फेसलिफ्ट (Mahindra XUV 300 Facelift)
महिंद्राची XUV 300 आधीपासूनच कॉम्पॅक्ट SUV सेगमेंटमध्ये लोकप्रिय आहे. तिच्या फेसलिफ्ट व्हर्जनमध्ये अधिक आकर्षक लुक्स आणि फिचर्स असतील.
फीचर्स : नवीन ग्रिल आणि एलईडी हेडलॅम्प्ससह ही कार इलेक्ट्रिक व्हर्जनमध्ये येण्याची शक्यता असून उत्कृष्ट परफॉर्मन्ससाठी प्रगत इंजिन यामध्ये देण्यात आले आहे व या कारची अपेक्षित किंमत 8-13 लाख रुपये असू शकते.
ग्राहकांसाठी सुवर्णसंधी
या ५ कॉम्पॅक्ट SUV भारतीय बाजारात लवकरच उपलब्ध होणार असून ग्राहकांसाठी अनेक पर्याय तयार आहेत. प्रत्येक गाडीमध्ये काहीतरी वेगळं आणि खास आहे, त्यामुळे आपल्याला आपल्या गरजेनुसार योग्य वाहन निवडता येईल.
SUV सेगमेंटमध्ये स्पर्धा अधिक तीव्र होत असून, या कंपन्या ग्राहकांना उत्कृष्ट फीचर्स, परवडणाऱ्या किमती आणि प्रगत तंत्रज्ञान देण्यासाठी सज्ज आहेत. SUV खरेदी करायची योजना करत असाल तर या आगामी मॉडेल्सकडे लक्ष ठेवा, कारण ती तुमच्या अपेक्षांना पूर्ण करतील.
