Hyundai Creta Electric:- ह्युंदाई इंडियाने आपल्या नवीन ह्युंदाई क्रेटा इलेक्ट्रिकला लाँच केले असून या इलेक्ट्रिक कारने ग्राहकांचे लक्ष वेधले आहे. या गाडीचा आकर्षक लूक आणि हाय क्वालिटी आणि आधुनिक वैशिष्ट्ये लोकांना आकर्षित करत आहेत.
ह्युंदाई क्रेटा इलेक्ट्रिक दोन बॅटरी पॅक पर्यायांसह उपलब्ध आहे.ज्यामुळे त्याला ४७३ किलोमीटरपर्यंत रेंज मिळवता येते. या गाडीची सुरुवातीची एक्स-शोरूम किंमत १७ लाख ९९ हजार रुपये आहे आणि बुकिंग सुरू असून ती फक्त २५,००० रुपयांमध्ये करता येत आहे.
ह्युंदाई इलेक्ट्रिक क्रेटाची वैशिष्ट्ये
या इलेक्ट्रिक कारच्या वैशिष्ट्यांमध्ये ड्युअल-झोन क्लायमेट कंट्रोल, ड्युअल पॉवर्ड सीट्स, व्हेंटिलेशन, पॅनोरॅमिक सनरूफ, ADAS लेव्हल २, ३६०-डिग्री कॅमेरा, डिजिटल की आणि महत्त्वाच्या इतर साहित्याचा समावेश आहे.
याशिवाय गाडीच्या इंटीरियर्समध्ये प्रीमियम लुक देण्यात आला आहे. क्रेटा इलेक्ट्रिकमध्ये लांब पॅसेंजर डोअरच्या मदतीने मागील सीट्स सुसज्ज करणे, एक नवा स्टीअरिंग व्हील आणि नवीन सेंटर कन्सोलचा समावेश केला आहे.
बॅटरी पॅक आणि वारंटी
कंपनीने गाडीला आठ रंगांच्या पर्यायांसह लाँच केले आहे. ज्यात ड्युअल-टोन रंगदेखील उपलब्ध आहेत. ह्युंदाई क्रेटा इलेक्ट्रिकमध्ये ५१.२४ किलोवॅट क्षमतेचा बॅटरी पॅक बसवण्यात आला आहे.
जो १७१ बीएचपी पॉवर इलेक्ट्रिक मोटरने सुसज्ज आहे. बॅटरीला ८ वर्षांची वॉरंटी देण्यात आली आहे. यामुळे ही गाडी एक शक्तिशाली आणि प्रभावी पर्याय बनली आहे.
ही कार ग्राहकांना एक प्रगत, आरामदायक आणि पर्यावरणपूरक वाहनाचा अनुभव देण्याची आशा व्यक्त केली आहे. जर तुम्ही इलेक्ट्रिक गाडी खरेदी करण्याचा विचार करत असाल तर ह्युंदाई क्रेटा इलेक्ट्रिक एक उत्तम पर्याय ठरू शकतो.
