SBI Home Loan : देशातील सर्वात मोठी बँक म्हणजेच एसबीआय. स्टेट बँक ऑफ इंडिया हे देशातील सर्वात मोठी सरकारी बँक असून या बँकेच्या माध्यमातून आपल्या ग्राहकांना परवडणाऱ्या व्याजदरात गृह कर्जाची उपलब्धता करून दिली जात आहे.
एसबीआय मुळे देशातील असंख्य लोकांचे घराचे स्वप्न पूर्ण झाले असून आज आपण एसबीआयच्या होम लोन ची सविस्तर माहिती जाणून घेण्याचा प्रयत्न करणार आहोत.
मंडळी अलीकडे घरांच्या किमती मोठ्या प्रमाणात वाढल्या आहेत. म्हणून पगारदार लोकांना घर घेण्यासाठी गृह कर्जाची गरज भासते. यामुळे अलीकडे देशातील सर्वच बँकांच्या माध्यमातून पगारदार लोकांना लवकरात लवकर गृह कर्ज मंजूर करून दिले जात आहे.
गुराकर्जाचे व्याजदर देखील बँकांनी कमी केले आहेत. एसबीआय सारख्या देशातील प्रमुख बँकांकडून ग्राहकांना दिलासा देण्यासाठी कमी व्याज दरात गृह कर्ज उपलब्ध करून दिले जाते.
दरम्यान आता आपण एसबीआय कडून जर तीस लाख रुपयांचे गृह कर्ज घ्यायचे असेल तर किती मासिक पगार असायला हवा याचे कॅल्क्युलेशन देखील आपण थोडक्यात समजून घेणार आहोत.
एसबीआयच्या होम लोनची सविस्तर माहिती
एसबीआय आपल्या ग्राहकांना किमान 8.50% दराने गृह कर्ज उपलब्ध करून देत आहे. एसबीआय कडून आपल्या ग्राहकांना जास्तीत जास्त 30 वर्षांसाठी गृह कर्ज दिले जाते अन किमान व्याजदरात फक्त अशाच ग्राहकांना गृह कर्ज दिले जाते ज्यांचा सिबिल स्कोर हा 800 च्या आसपास असतो.
800 च्या आसपास सिबिल स्कोर असणाऱ्या ग्राहकांना एसबीआय कमी व्याजदरात तर कर्ज देतेच शिवाय कर्जाची रक्कमही वाढवून देते. आता आपण जर एसबीआय कडून 30 लाखांचे गृह कर्ज घ्यायचे असेल तर किती पगार असायला हवा याचे कॅल्क्युलेशन समजून घेऊयात.
इतका पगार असेल तर एसबीआय कडून मिळणार 30 लाखाचे होम लोन
एसबीआय कडून जर तीस वर्षांसाठी तीस लाखांचे गृह कर्ज हवे असेल तर 51 हजार रुपये मासिक पगार असायला हवा. 51 हजार रुपयांचा मासिक पगार असेल आणि सिबिल स्कोर चांगला असेल तर ग्राहकांना 8.50% दराने तीस लाखांचे गृह कर्ज मंजूर होऊ शकते अशी माहिती रिपोर्ट मधून समोर आली आहे.
मात्र, जर आधीपासूनच तुमच्यावर एखादे कर्ज असेल तर अशा प्रकरणांमध्ये तुम्हाला 51000 चा पगार असला तरी सुद्धा 30 लाखांचे कर्ज मिळू शकत नाही. ज्या लोकांवर आधीपासून कोणतेच कर्ज नाही अशा लोकांना बँकेकडून मात्र तीस लाखांचे कर्ज दिले जाऊ शकते.
किती EMI भरावा लागणार ?
तीस वर्षांसाठी 30 लाख रुपयांचे गृह कर्ज मंजूर झाले अन हे कर्ज 8.50% दराने मंजूर झाले तर सदर ग्राहकाला 22500 रुपयांचा मासिक हप्ता भरावा लागणार आहे.
