Income Tax 2025 : एक फेब्रुवारी 2025 रोजी केंद्रातील सरकारने तिसऱ्यांदा सत्ता स्थापित केल्यानंतर पहिल्यांदाच पूर्ण अर्थसंकल्प सादर केला. केंद्रीय अर्थमंत्री निर्मला सीतारामणजी यांनी संसदेत हा पूर्ण अर्थसंकल्प मांडला. दरम्यान अर्थसंकल्पात पगारदार लोकांना मोठा दिलासा देण्यात आला आहे.
ज्या पगारदार लोकांचे वार्षिक उत्पन्न 12 लाख रुपये आहे त्या पगारलोकांचे उत्पन्न हे करमुक्त करण्याचा मोठा निर्णय कालचा अर्थसंकल्पात घेण्यात आला आहे. म्हणजे बारा लाख रुपयांपर्यंत उत्पन्न असेल तरीसुद्धा आता कर द्यावा लागणार नाही.
नक्कीच या निर्णयाचा सर्वसामान्य लोकांना मोठा फायदा होणार आहे. मंडळी केंद्रीय अर्थमंत्री निर्मला सीतारामन यांनी आता आधीच्या सहा स्लॅबऐवजी सात स्लॅब बनवले आहेत. यामध्ये 25% चा एक नवीन स्लॅब ॲड करण्यात आला आहे.
यामुळे आता ज्यांचे वार्षिक उत्पन्न 12 लाख रुपयांपेक्षा अधिक आहे त्यांना नेमका किती कर भरावा लागणार? याचाच सविस्तर आढावा घेणार आहोत. बारा लाखांपासून ते 50 लाख रुपयांपर्यंत उत्पन्न असणाऱ्या लोकांना आता नेमका किती कर भरावा लागणार हे आता आपण जाणून घेणार आहोत.
सरकारने 25% चा नवीन स्लॅब ऍड केला
4 लाख रुपयांपर्यंत – टॅक्स नाही
4 लाख ते 8 लाख रुपयांपर्यंत 5% टॅक्स
8 लाख ते 12 लाख रुपयांपर्यंत – 10% टॅक्स
12 लाख ते 16 लाख रुपयांपर्यंत – 15% टॅक्स
16 लाख ते 20 लाख रुपयांपर्यंत – 20% टॅक्स
20 लाख ते 24 लाख रुपयांपर्यंत – 25% टॅक्स
24 लाखांपेक्षा जास्त – 30% टॅक्स
पगारानुसार किती टॅक्स द्यावा लागणार?
12 लाख रुपये पगार असणाऱ्या लोकांना किती टॅक्स : जुन्या दरानुसार बारा लाख रुपये उत्पन्न असणाऱ्या लोकांना 80 हजार रुपयांचा कर भरावा लागत होता. मात्र आता नवीन दरानुसार ही रक्कम 60000 रुपये एवढी करण्यात आली असून या रकमेवर पूर्ण सवलतही देण्यात आली आहे. कलम 87A अंतर्गत या रकमेवर सवलत दिली जाणार असून बारा लाख रुपये उत्पन्न असणाऱ्या पगारदार लोकांना आता शून्य कर भरावा लागणार आहे.
13 लाख रुपये पगार असणाऱ्या लोकांना किती टॅक्स : ज्यांचा वार्षिक पगार 13 लाख रुपये आहे त्यांना देखील कोणताही कर भरावा लागणार नाही. कारण म्हणजे बारा लाख रुपयांपर्यंतचे उत्पन्न कर शून्य होणार आहे. यात स्टॅंडर्ड डिडक्शन सामील केल्यानंतर 12.75 लाख रुपयांपर्यंतचे उत्पन्न कर शून्य होते. तसेच यामध्ये मार्जिन रिलीफ जर जोडले गेले तर 13.05 रुपयांपर्यंतचे उत्पन्न कर शून्य होणार आहे. कारण की मार्जिन रिलीफ हा जवळपास 30 हजार रुपयांपर्यंत आहे.
16 लाख रुपये उत्पन्न असणाऱ्या लोकांना किती टॅक्स : आधी या लोकांना 1.70 लाख रुपयांचा टॅक्स द्यावा लागत होता. पण आता यापुढे या लोकांना फक्त 1.20 लाख रुपयांचा टॅक्स द्यावा लागणार आहे. अर्थातच 16 लाख कमाई असणाऱ्या लोकांचे 50 हजार रुपये वाचणार आहेत.
18 लाख रुपये उत्पन्न असणाऱ्या लोकांना किती : आधी या लोकांना दोन लाख तीस हजार रुपयांचा टॅक्स द्यावा लागत होता मात्र आता एक लाख 60 हजार रुपयांचा टॅक्स द्यावा लागणार आहे.
20 लाख रुपये उत्पन्न असणाऱ्या लोकांना किती : आधी यांना दोन लाख 90 हजार रुपयांचा टॅक्स द्यावा लागत होता मात्र आता फक्त दोन लाख रुपये टॅक्स द्यावा लागणार आहे. म्हणजे 20 लाख कमाई असणाऱ्या लोकांचे 90 हजार वाचणार आहेत.
24 लाख रुपये उत्पन्न असणाऱ्या लोकांना किती?: आधी यांना चार लाख दहा हजार रुपयांचा टॅक्स द्यावा लागत होता मात्र आता ही टॅक्सची रक्कम तीन लाख रुपयांपर्यंत खाली आली आहे. म्हणजेच करदात्यांचे तब्बल एक लाख दहा हजार रुपये वाचणार आहेत.
50 लाख रुपये उत्पन्न असणाऱ्या लोकांना किती टॅक्स : आधी या लोकांना 11.90 लाख रुपयांचा टॅक्स लागत होता मात्र आता ही टॅक्सची रक्कम 10.80 लाख रुपयांवर आली आहे.
