SBI Bank 400 Days FD Scheme : स्टेट बँक ऑफ इंडिया अर्थातच एसबीआय ही देशातील सर्वात मोठी बँक असून ही बँक आपल्या ग्राहकांसाठी विविध प्रकारच्या एफडी योजना राबवत आहे. बँकेकडून विशेष FD योजना सुद्धा सुरू करण्यात आली आहे. ही बँक 400 दिवसांची, 444 दिवसांची स्पेशल एफ डी स्कीम सुद्धा राबवते.
एसबीआयच्या एफडी योजनांबाबत बोलायचं झालं तर एसबीआय आपल्या ग्राहकांसाठी सात दिवसांपासून ते दहा वर्षे कालावधीपर्यंतची एफडी ऑफर करते. यामध्ये गुंतवणूक करणाऱ्या गुंतवणूकदारांना बँकेच्या माध्यमातून किमान 3.50% पासून ते कमाल ७.२५ टक्क्यांपर्यंतचे व्याज ऑफर केले जात आहे.
म्हणजेच एफ डी च्या कालावधीनुसार व्याजदर आहेत. बँकेकडून या सामान्य एफडी योजना तर चालवल्या जातच आहेत, शिवाय अशा काही विशेष एफडी योजना चालवल्या जातात ज्यावर गुंतवणूकदारांना नेहमीच्या योजनांपेक्षा अधिकचे व्याजदर दिले जात आहे.
एसबीआय बँक चारशे दिवसांची आणि 444 दिवसांची विशेष एफडी योजना चालवते. दरम्यान आज आपण बँकेच्या चारशे दिवसांच्या एफडी योजनेची माहिती पाहणार आहोत. एसबीआयच्या या चारशे दिवसांच्या स्पेशल एफडी योजनेला बँकेने अमृत कलश एफ डी योजना असे नाव दिले असून आज आपण या योजनेची सविस्तर माहिती पाहणार आहोत.
कसे आहे चारशे दिवसांच्या एफडी योजनेचे स्वरूप?
अमृत कलश एफडी योजना ही एसबीआयची स्पेशल स्कीम असून यामध्ये गुंतवणूक करणाऱ्या गुंतवणूकदारांना किमान 7.10% आणि कमाल 7.60% या दराने व्याज दिले जात आहे. यामध्ये गुंतवणूक करणाऱ्या सामान्य ग्राहकांना म्हणजेच साठ वर्षांपेक्षा कमी वय असणाऱ्या सामान्य ग्राहकांना 7.10% दराने परतावा दिला जातोय.
परंतु ज्येष्ठ नागरिक ग्राहकांना म्हणजेच ज्या लोकांचे वय 60 वर्षांपेक्षा अधिक आहे अशा ग्राहकांना यामध्ये 7.60% दराने परतावा दिला जातो, अर्थात 0.50 टक्के अधिकचा परतावा दिला जातोय. आता आपण यात 5 लाख, 10 लाख आणि 15 लाख रुपये गुंतवल्यानंतर गुंतवणूकदारांना किती रिटर्न मिळणार याचा आढावा घेणार आहोत.
5 लाखाच्या गुंतवणुकीतून किती रिटर्न मिळणार : चारशे दिवसांच्या एफडी योजनेत पाच लाख रुपयांची गुंतवणूक केल्यास ज्येष्ठ नागरिकांना अंदाजे 4,30,02.77 रुपये मिळतील. म्हणजे यात गुंतवणूक करणाऱ्या गुंतवणूकदारांना मॅच्युरिटीवर पाच लाख 43 हजार 3 रुपये मिळतील.
10 लाखाच्या गुंतवणुकीतून किती रिटर्न मिळणार : चारशे दिवसाच्या अमृत कलश FD योजनेत सिनिअर सिटीजन ग्राहकांनी १० लाख रुपयांची गुंतवणूक केल्यास यावर त्यांना अंदाजे 86 हजार 5 रुपये इतके व्याज मिळणार आहे. म्हणजे मॅच्युरिटी वर दहा लाख 86 हजार पाच रुपये इतकी व्याज मिळेल.
15 लाखाच्या गुंतवणुकीतून किती रिटर्न मिळणार : जर एखाद्या ज्येष्ठ नागरिकाने 400 दिवसांच्या विशेष एफडीमध्ये 15 लाख रुपयाची गुंतवणूक केली तर त्यांना अंदाजे 1,29,008.31 रुपये इतके व्याज मिळणार आहे. म्हणजे सदर जेष्ठ नागरिक ग्राहकांना मॅच्युरिटीवर म्हणजे 400 दिवस पूर्ण झाल्यानंतर 16,29,008.31 रुपये मिळतील.
