कोरियन स्मार्टफोन मेकर सॅमसंगने भारतात आपला नवीन स्वस्त 5G स्मार्टफोन Samsung Galaxy F06 5G लाँच करण्याची घोषणा केली आहे. हा फोन 12 फेब्रुवारी 2024 रोजी भारतीय बाजारात दाखल होणार आहे. कंपनीने याची किंमत जाहीर केली नसली तरी, दहा हजाराच्या दरम्यान असेल, असे संकेत दिले आहेत. त्यामुळे हा फोन एंट्री-लेव्हल 5G स्मार्टफोन म्हणून ग्राहकांसाठी स्वस्त आणि आकर्षक पर्याय असणार आहे. हा स्मार्टफोन Flipkart वर खरेदीसाठी उपलब्ध असेल आणि तो ब्लू आणि व्हायलेट या दोन रंगांमध्ये लाँच केला जाणार आहे.
Samsung Galaxy F06 5G चे डिझाइन
सॅमसंग गॅलेक्सी F06 5G मध्ये 6.8-इंचाचा HD+ LCD डिस्प्ले असेल. यामध्ये 800 निट्स ब्राइटनेस मिळेल, ज्यामुळे उन्हातही स्क्रीन स्पष्ट दिसेल. फोनमध्ये वॉटरड्रॉप-स्टाईल नॉच डिस्प्ले असेल, ज्यामध्ये 8MP सेल्फी कॅमेरा असेल.
Samsung Galaxy F06 5Gप्रोसेसर
सॅमसंग गॅलेक्सी F06 5G मध्ये MediaTek Dimensity 6300 प्रोसेसर देण्यात आला आहे, जो 6GB RAM आणि 128GB इनबिल्ट स्टोरेज सह येईल. या फोनमध्ये विस्तारित रॅम (वर्च्युअल RAM) ची सुविधा देखील मिळेल, त्यामुळे मल्टीटास्किंग अधिक स्मूथ होईल.
कॅमेरा सेटअप
हा फोन ड्युअल रियर कॅमेरा सेटअप सह येईल. यामध्ये 50MP चा मुख्य कॅमेरा आणि 2MP डेप्थ सेन्सर असेल, जो पोर्ट्रेट फोटोग्राफीसाठी मदत करेल. सेल्फीसाठी 8MP फ्रंट कॅमेरा देण्यात आला आहे, जो व्हिडिओ कॉलिंग आणि सोशल मीडिया साठी उपयुक्त ठरेल.
सॉफ्टवेअर आणि अपडेट्स
Samsung Galaxy F06 5G मध्ये सॅमसंगने चार वर्षांसाठी Android सॉफ्टवेअर अपडेट्स आणि सुरक्षा अपडेट्स देण्याची घोषणा केली आहे. यामुळे, ग्राहकांना दीर्घकाळ नवनवीन फीचर्स आणि सुरक्षितता मिळणार आहे.
बॅटरी आणि चार्जिंग
हा फोन 5000mAh ची दमदार बॅटरी घेऊन येणार आहे, जी सहज 1-2 दिवसांचा बॅकअप देऊ शकते. यासोबत, 25W फास्ट चार्जिंग सपोर्ट असेल, मात्र फोनसोबत चार्जर दिला जाणार नाही. ग्राहकांना तो वेगळा खरेदी करावा लागेल.
अतिरिक्त फीचर्स आणि सुरक्षेसाठी खास सुविधा
Samsung Galaxy F06 5G मध्ये साइड-माउंटेड फिंगरप्रिंट स्कॅनर देण्यात आला आहे, ज्यामुळे फोन अनलॉक करणे सोपे आणि जलद होईल. याशिवाय, या फोनमध्ये 5G कनेक्टिव्हिटी असल्यामुळे वेगवान इंटरनेट स्पीडचा लाभ ग्राहकांना घेता येईल.
कमी बजेटमध्ये 5G तंत्रज्ञान
हा स्मार्टफोन कमीत कमी बजेटमध्ये 5G तंत्रज्ञानाचा अनुभव घेऊ इच्छिणाऱ्या ग्राहकांसाठी उत्तम पर्याय आहे. प्रबळ बॅटरी, मोठा डिस्प्ले, चांगला कॅमेरा आणि दीर्घकालीन सॉफ्टवेअर सपोर्ट यामुळे हा फोन बजेट सेगमेंटमध्ये लोकप्रिय ठरू शकतो. किंमत ₹10,000 च्या आत असल्‍याने, हा 5G फोन प्रथमच स्मार्टफोन खरेदी करणारे, विद्यार्थी आणि कमी बजेटमध्ये उत्तम परफॉर्मन्स शोधणाऱ्या ग्राहकांसाठी योग्य पर्याय ठरेल.
