Budh Gochar 2025 : वैदिक ज्योतिषशास्त्रात असे सांगितले गेले आहे की प्रत्येक ग्रह एका ठराविक कालावधीनंतर राशी आणि नक्षत्र परिवर्तन करत असतात. पण, जेव्हा-केव्हा ग्रहांचे राशी आणि नक्षत्र परिवर्तन होते तेव्हा याचा राशीचक्रातील विविध राशीच्या लोकांवर सकारात्मक आणि नकारात्मक असा प्रभाव पाहायला मिळतो. दरम्यान नवग्रहातील एक महत्त्वाचा ग्रह येत्या काही दिवसात राशी परिवर्तन करणार आहे आणि यामुळे राशीचक्रातील 5-6 राशीच्या लोकांच्या आयुष्यात मोठा अमूलाग्र बदल पाहायला मिळू शकतो.
वाणी, तर्कशक्ती, बुद्धिमत्ता, व्यवसाय आणि संवाद कौशल्याचा कारक असणारा बुध ग्रह लवकरच राशी परिवर्तन करणार आहे. बुध ग्रहाची अनुकूलता व्यक्तीच्या जीवनात सकारात्मक बदल घडवू शकते, विशेषतः लेखन, पत्रकारिता, वकिली, व्यापार आणि शिक्षण क्षेत्राशी संबंधित लोकांसाठी बुध ग्रहाचे अनुकूलता चांगले सकारात्मक बदल घडवून आणते.
दरम्यान आज अर्थातच 11 फेब्रुवारी 2025 रोजी बुध ग्रह आपला मार्ग बदलून शनीच्या अधिपत्याखाली असलेल्या कुंभ राशीत प्रवेश करणार आहे. पण, हा बदल सर्व राशींवर परिणाम करेल, हा बदल काहींसाठी शुभ राहील तर काहींसाठी अशुभ राहणार आहे.
या संक्रमणाचा प्रभाव मेष, कन्या आणि मीन राशींसाठी काहीसा आव्हानात्मक राहील. मात्र, वृषभ, मिथुन, सिंह, तूळ, मकर आणि कुंभ या सहा राशींसाठी हा काळ अतिशय लाभदायक आणि शुभ ठरणार आहे. दरम्यान आता आपण या सहा राशीच्या लोकांना या राशी परिवर्तनाचा नेमका काय फायदा होणार याबाबत माहिती जाणून घेणार आहोत.
बुध ग्रहाच्या राशी परिवर्तणाने काय होणार?
वृषभ राशी (Taurus) : बुध ग्रहाचे संक्रमण वृषभ राशीच्या लोकांसाठी आर्थिक आणि सामाजिक उन्नती घेऊन येईल. समाजात आदर आणि प्रतिष्ठा वाढेल. आर्थिक बाजू मजबूत होईल आणि पूर्वी अडकलेले पैसे परत मिळण्याची शक्यता आहे. स्पर्धा परीक्षांमध्ये यश मिळू शकते, त्यामुळे विद्यार्थ्यांसाठी हा काळ अनुकूल आहे. तसेच, प्रेमसंबंध अधिक दृढ होतील आणि जोडीदारासोबतचा संवाद अधिक सकारात्मक बनेल.
मिथुन राशी (Gemini) : मिथुन राशीच्या जातकांसाठी बुध ग्रहाचे संक्रमण अत्यंत शुभ ठरणार आहे. शैक्षणिक क्षेत्रात उत्तम संधी मिळतील. विशेषतः अभ्यास आणि संशोधन क्षेत्रातील लोकांसाठी हा काळ प्रगतीचा असेल. धार्मिक आणि अध्यात्मिक कार्यात रस वाढेल. परदेश गमनाच्या संधी निर्माण होतील. कामाच्या ठिकाणी तुमच्या मेहनतीचे कौतुक होईल आणि पदोन्नती मिळण्याची शक्यता आहे.
सिंह राशी (Leo) : सिंह राशीच्या लोकांसाठी बुध ग्रहाचा हा बदल वैवाहिक जीवनात सकारात्मकता घेऊन येईल. विवाहित लोकांसाठी हा काळ आनंददायक असेल, तसेच अविवाहित व्यक्तींना विवाहाचे प्रस्ताव येऊ शकतात. कुटुंबाकडून आणि विशेषतः सासरच्या मंडळींकडून मदत मिळेल. उत्पन्न वाढण्याची शक्यता असून, बऱ्याच काळापासून रखडलेली कामे पूर्ण होतील. व्यवसायिक दृष्टिकोनातूनही हा काळ फायदेशीर ठरेल.
तूळ राशी (Libra) : बुध ग्रहाचे संक्रमण तूळ राशीच्या लोकांसाठी सुवर्णसंधी घेऊन येईल. व्यावसायिक क्षेत्रात मोठे निर्णय घेण्याचा हा सर्वोत्तम काळ असेल. समाजात तुमचा आदर वाढेल आणि प्रतिष्ठा उंचावेल. विद्यार्थ्यांना शैक्षणिक क्षेत्रात यश मिळण्याची शक्यता आहे. कुटुंबाशी संबंधित चिंता दूर होतील. नोकरीत नवीन संधी मिळू शकतात आणि जुनी अडचणीत असलेली प्रकरणे सोडवली जातील.
मकर राशी (Capricorn) : मकर राशीच्या जातकांसाठी हा काळ आर्थिक स्थिरतेसाठी अत्यंत लाभदायक ठरणार आहे. पूर्वी अडकलेले पैसे परत मिळतील आणि व्यवसाय वाढण्याच्या संधी उपलब्ध होतील. तुमच्या बोलण्याने आणि संवाद कौशल्याने लोक प्रभावित होतील, त्यामुळे व्यवसायिक आणि सामाजिक स्तरावर तुम्हाला अधिक यश मिळेल. कामाच्या ठिकाणी तुमच्या जबाबदाऱ्या वाढतील, पण त्याचबरोबर मान-सन्मान आणि आर्थिक लाभही वाढतील.
कुंभ राशी (Aquarius) : कुंभ राशीच्या व्यक्तींसाठी बुध ग्रहाचे संक्रमण सकारात्मक उर्जेचा स्रोत ठरेल. आत्मविश्वास वाढेल आणि नव्या संधी मिळतील. नोकरीच्या शोधात असलेल्या लोकांना योग्य संधी मिळू शकते. विवाहयोग तयार होऊ शकतो. तसेच, मुलांकडून काही चांगली बातमी मिळण्याची शक्यता आहे. विद्यार्थ्यांसाठी हा काळ अत्यंत शुभ राहील, त्यामुळे स्पर्धा परीक्षांमध्ये यश मिळण्याची शक्यता आहे.
बुध ग्रहाचे ११ फेब्रुवारी रोजी होणारे संक्रमण काही राशींसाठी मोठ्या संधी घेऊन येईल. वृषभ, मिथुन, सिंह, तूळ, मकर आणि कुंभ राशीच्या लोकांसाठी हा काळ अत्यंत शुभ असेल. आर्थिक लाभ, करिअरमध्ये प्रगती, मान-सन्मान आणि सामाजिक प्रतिष्ठा वाढण्याची संधी या राशींच्या लोकांना मिळणार आहे. त्यामुळे या संधींचा जास्तीत जास्त लाभ घेण्यासाठी आत्मविश्वासाने पुढे जाणे महत्त्वाचे आहे.
