SBI Mutual Fund Scheme : म्युच्युअल फंड मध्ये गुंतवणूक करू इच्छिणाऱ्यांसाठी आजची बातमी कामाची ठरणार आहे. आज आपण एसबीआयच्या टेक्नॉलॉजी अपॉर्च्युनिटीज या म्युच्युअल फंड बाबत जाणून घेणार आहोत. खरंतर या फंडने गेल्या काही वर्षांमध्ये आपल्या गुंतवणूकदारांना जोरदार परतावा दिलाय.
या म्युच्युअल फंडमध्ये 3,000 रुपयांची मासिक एसआयपी करून सुद्धा गुंतवणूकदारांना 1 कोटी रुपयांचा परतावा मिळालाय. हा म्युच्युअल फंड 5 जुलै 1999 रोजी सुरू करण्यात आला होता.
टेक्नॉलॉजी क्षेत्रातील कंपन्यांमध्ये गुंतवणूक करणाऱ्या या फंडाने गेल्या 25 वर्षांत गुंतवणूकदारांना भरीव परतावा दिला आहे. आता आपण या Mutual Fund ने एकरकमी गुंतवणुकीवर आणि एसआयपी वर गुंतवणूकदारांना वार्षिक काय दराने परतावा मिळालाय याची माहिती पाहूयात.
25 वर्षांत किती परतावा मिळालाय?
या फंडाच्या सुरुवातीपासून एकरकमी गुंतवणुकीवर गुंतवणूकदारांना 15.81% वार्षिक परतावा मिळाला आहे. तर, या कालावधीत मासिक एसआयपीवरील परतावा 16.97% इतका राहिला आहे.
अर्थातच जर कोणी या फंडात दरमहा 3,000 रुपयांची एसआयपी केली असती, तर त्याचे एकूण गुंतवणूक मूल्य केवळ ₹9 लाख राहिले असते, अन 25 वर्षांनंतर त्याचे मूल्य तब्बल ₹1.14 कोटींवर पोहोचले आहे.
फंडाची प्रमुख वैशिष्ट्ये कशी आहेत ?
एसआयपी वार्षिक परतावा : 16.97%
मासिक एसआयपी रक्कम : 3,000 रुपये
25 वर्षांत एकूण गुंतवणूक : 9 लाख रुपये
25 वर्षांनंतर एकूण मूल्य : 1.14 कोटी रुपये
गुंतवणुकीसाठीची किमान मर्यादा किती आहे?
SBI च्या या फंडात किमान 5,000 रुपये एकरकमी गुंतवणूक करता येते. अन एसआयपीबाबत बोलायचं झालं तर या Mutual Fund मध्ये किमान 500 रुपये प्रति महिना गुंतवणुकीची सुविधा उपलब्ध करून देण्यात आली आहे.
फंडाचा बेंचमार्क आणि मालमत्ता
एसबीआय टेक्नॉलॉजी अपॉर्च्युनिटीज फंडाचा बेंचमार्क BSE Tech TRI आहे. 31 डिसेंबर 2024 पर्यंत या फंडाची एकूण मालमत्ता ₹4,742 कोटी होती. तर, खर्चाचे प्रमाण 1.89% आहे. फंड मॅनेजर्सबाबत बोलायचं झालं तर सध्या विवेक गेडा आणि प्रदीप केशवन हे या फंडाचे व्यवस्थापन करत आहेत.
फंडाची टॉप होल्डिंग्स
या फंडाने टेक्नॉलॉजी आणि डिजिटल क्षेत्रातील विविध आघाडीच्या कंपन्यांमध्ये गुंतवणूक केली आहे. या Mutual Fund च्या टॉप होल्डिंग्समध्ये इन्फोसिस, भारती एअरटेल, कोफोर्ज, फर्स्टसोर्स सोल्युशन्स, टीसीएस, झोमॅटो, पीबी फिनटेक, पर्सिस्टंट सिस्टिम्स, झिंका लॉजिस्टिक्स सोल्यूशन्स, नझारा टेक्नॉलॉजीज या कंपन्यांचा समावेश आहे.
गुंतवणूकदारांसाठी महत्त्वाचा सल्ला
तंत्रज्ञान आणि डिजिटल क्रांतीत गुंतवणूक करण्याची इच्छा असलेल्या गुंतवणूकदारांसाठी एसबीआय टेक्नॉलॉजी अपॉर्च्युनिटीज फंड एक चांगला पर्याय ठरू शकतो. 25 वर्षांतील या फंडाचा परतावा पाहता, भविष्यातही हा फंड चांगली कामगिरी करण्याची क्षमता बाळगतो. मात्र, कोणतीही गुंतवणूक करण्यापूर्वी गुंतवणूकदारांनी स्वतःचा रिस्क प्रोफाइल आणि वित्तीय सल्लागाराचा सल्ला अवश्य घ्यावा.
