CIBIL Score Increase Tips :- CIBIL स्कोअर हा तुमच्या आर्थिक विश्वासार्हतेचा एक महत्त्वाचा निर्देशांक आहे.जो कर्ज मिळवण्यासाठी आवश्यक असतो. बँका आणि वित्तीय संस्था ग्राहकाचा आर्थिक व्यवहार आणि कर्ज परतफेडीचा इतिहास पाहून CIBIL स्कोअर ठरवतात. जर तुमचा स्कोअर चांगला असेल तर बँका तुम्हाला सहज आणि जलद कर्ज मंजूर करू शकतात. त्यामुळे तुमचा CIBIL स्कोअर उत्तम ठेवणे अत्यंत गरजेचे आहे.
सिबिल स्कोर म्हणजे नेमके काय?
CIBIL स्कोअर म्हणजे तीन-अंकी क्रमांक, जो तुमच्या कर्ज व्यवहारांचा आढावा घेतो. तो 300 ते 900 च्या दरम्यान असतो आणि जितका जास्त असतो तितकी तुमची आर्थिक विश्वासार्हता अधिक असते. हा स्कोअर CIBIL (क्रेडिट इन्फॉर्मेशन ब्युरो इंडिया लिमिटेड) या संस्थेद्वारे ठरवला जातो. बँकांकडून घेतलेल्या कर्जाच्या परतफेडीवर तो आधारित असतो. जर तुम्ही कर्ज वेळेवर फेडत असाल तर तुमचा स्कोअर वाढतो आणि जर तुम्ही कर्जाचा हप्ता चुकवत असाल तर स्कोअर कमी होतो.
चांगल्या सिबिल स्कोरचे फायदे
700 किंवा त्याहून अधिक CIBIL स्कोअरला चांगला मानले जाते. अशा स्कोअरमुळे तुम्हाला कमी व्याजदरात आणि वेगाने कर्ज मिळू शकते. परंतु जर तुमचा स्कोअर 700 पेक्षा कमी असेल तर कर्ज मंजुरीसाठी अडचणी येऊ शकतात आणि कदाचित जास्त व्याजदराने कर्ज घ्यावे लागू शकते. तुमचा सिबिल स्कोअर जाणून घेण्यासाठी तुम्ही अधिकृत CIBIL वेबसाइट किंवा इतर बँकिंग सेवा वापरू शकता. काही डिजिटल प्लॅटफॉर्म्सवर विनामूल्य स्कोअर तपासण्याची सुविधाही उपलब्ध असते.
सिबिल स्कोर सुधारण्यासाठीच्या टिप्स
CIBIL स्कोअर सुधारण्यासाठी तुम्हाला काही महत्त्वाची पावले उचलावी लागतात. सर्वप्रथम, तुम्ही तुमचे कर्ज आणि क्रेडिट कार्ड बिल वेळेत भरायला हवे. तसेच लहान रकमेच्या खरेदीसाठी क्रेडिट कार्ड वापरून त्याचे बिल वेळेवर चुकवल्यास स्कोअर सुधारण्यास मदत होते. जर तुमचा स्कोअर खूपच कमी असेल तर तुम्ही RBI मान्यताप्राप्त लघु कर्ज सेवांचा वापर करून कर्ज घेऊन वेळेवर परतफेड करू शकता, यामुळे हळूहळू तुमचा स्कोअर वाढतो.
जर तुमचा स्कोअर 650 ते 700 च्या दरम्यान असेल तर 750 पर्यंत पोहोचण्यासाठी चार ते 12 महिने लागू शकतात. पण जर तुमचा स्कोअर 650 पेक्षा कमी असेल, तर सुधारणा होण्यासाठी वर्षभराचा कालावधी लागू शकतो. त्यामुळे आर्थिक व्यवहार व्यवस्थित ठेवल्यास आणि वेळेवर परतफेडीचा सराव केल्यास तुमचा CIBIL स्कोअर सुधारू शकता आणि भविष्यात तुम्हाला कर्ज मिळवणे अधिक सोपे होईल.
