१७ फेब्रुवारी २०२५ मुंबई : कोस्टल रोडमुळे मुंबईकरांना मोठा दिलासा मिळाला असून,शहराच्या पायाभूत सुविधांमध्येही वाढ झाली आहे.या प्रकल्पासाठी मंजुरी मिळवताना पर्यावरणीय नियमांनुसार जवळपास २०० एकर जागा खुली ठेवण्याचा आदेश देण्यात आला होता.त्या जागेतील ५० एकर जागा खेळाच्या मैदानासाठी राखीव ठेवून त्या जागेवर खेळाची मैदाने विकसित करावी,अशी मागणी कॅबिनेट मंत्री व मुंबई उपनगरचे सहपालकमंत्री मंगलप्रभात लोढा यांनी मुख्यमंत्री देवेंद्र फडणवीस यांच्याकडे पत्राद्वारे केली आहे.
मंत्री लोढा यांनी मुख्यमंत्री फडणवीस यांना लिहिलेल्या पत्रात म्हटले आहे की, मोकळ्या जागेच्या योग्य उपयोगासाठी आणि युवकांना खेळण्यासाठी उत्तम सुविधा उपलब्ध करून देण्यासाठी फुटबॉलचे मैदान, क्रिकेटचे मैदान, रनिंग ट्रॅक तसेच कबड्डीसारख्या पारंपरिक खेळांसाठी मैदान उभारण्यात यावे. तसेच उर्वरित १५० एकर जागेवर भव्य उद्यान आणि वृक्षारोपण करण्यात यावे.
मुंबईत भविष्यात एवढ्या मोठ्या प्रमाणावर मोकळी जागा उपलब्ध होईल की नाही, हे निश्चित सांगता येणार नाही. या संधीचा उपयोग करून विविध खेळांची मैदाने निर्माण करण्याचा निर्णय घेतल्यास युवा पिढीला खेळण्यासाठी उत्तम सुविधा उपलब्ध होतील या प्रस्तावाची तातडीने दखल घेऊन आवश्यक सरकारी परवानग्या व प्रक्रियांच्या अनुषंगाने योग्य तो निर्णय घ्यावा, अशी लोढा यांनी केली आहे.
