महाशिवरात्री हा हिंदू धर्मातील एक अत्यंत पवित्र आणि विशेष महत्त्व असलेला सण आहे. या दिवशी भगवान शिव आणि माता पार्वतीचा विवाह झाल्याचे मानले जाते. महाशिवरात्रीच्या दिवशी भगवान शंकराची पूजा, उपवास आणि अभिषेक केल्याने भक्तांच्या सर्व मनोकामना पूर्ण होतात, असा विश्वास आहे. भगवान शिव संहारक असून, ते भक्तांच्या सर्व दुःखांचा नाश करणारे आहेत.
ज्योतिषशास्त्रानुसार, काही विशिष्ट राशींवर भगवान शंकराची विशेष कृपा असते. या राशींच्या लोकांना आयुष्यातील कठीण प्रसंगी भगवान शिवाचा आशीर्वाद मिळतो, त्यामुळे ते कोणत्याही अडचणींवर लवकर मात करतात. महाशिवरात्री 2025 या राशींसाठी अत्यंत शुभ ठरणार आहे.
महाशिवरात्री 2025 : विशेष शुभ राशी
तूळ (Libra) : तूळ राशीचा स्वामी शुक्र ग्रह आहे. भगवान शिवाच्या आवडत्या राशींमध्ये तूळ राशीचाही समावेश होतो. या राशीच्या लोकांचे व्यक्तिमत्त्व आकर्षक असते आणि त्यांना धन-संपत्तीची कमतरता भासत नाही. महाशिवरात्रीच्या दिवशी भगवान शिवाची पूजा केल्यास या राशीच्या लोकांना अपार धनलाभ होऊ शकतो आणि जीवनात यश मिळू शकते.
मकर (Capricorn) : मकर राशीचे स्वामी शनिदेव आहेत. शनी भगवान शिवाचे उपासक मानले जातात आणि जो शिवाची उपासना करतो त्याला शनि देखील त्रास देत नाही. भगवान शिव स्वतः मकर राशीच्या लोकांचे रक्षण करतात. त्यामुळे या राशीच्या व्यक्तींना करिअर, व्यवसाय आणि आर्थिक प्रगतीमध्ये मोठा लाभ होण्याची शक्यता आहे.
कुंभ (Aquarius) : कुंभ राशीच्या स्वामी देखील शनिदेवच आहेत आणि हे लोक भगवान शिवाला अत्यंत प्रिय मानले जातात. कुंभ राशीचे लोक सत्यवादी, प्रामाणिक आणि परोपकारी स्वभावाचे असतात. भगवान शिव यांच्या कष्टाला यश देतात आणि त्यांना समाजात मोठा मान-सन्मान प्राप्त होतो. महाशिवरात्रीच्या दिवशी पूजेचा विशेष प्रभाव या राशीच्या व्यक्तींना होईल.
मेष (Aries) : मेष राशीचा स्वामी मंगळ आहे, आणि हनुमानजींवर या ग्रहाचा विशेष प्रभाव आहे. हनुमानजींना भगवान शिवाचा अवतार मानले जाते, त्यामुळे भगवान शिवाची कृपा मेष राशीच्या लोकांवर कायम राहते. भोलेनाथांच्या कृपेने या राशीच्या व्यक्तींचे अडथळे दूर होतात, करिअर आणि व्यवसायात मोठी प्रगती होते.
कर्क (Cancer) : कर्क राशीचा स्वामी चंद्र आहे, जो भगवान शिव आपल्या जटांमध्ये धारण करतात. त्यामुळे कर्क राशीच्या व्यक्तींना भगवान शिव अत्यंत प्रिय आहेत. हे लोक आनंदी, संयमी आणि सहनशील असतात. भगवान शिवाच्या कृपेने या राशीच्या व्यक्ती कोणत्याही अडचणींवर सहज मात करू शकतात.
भगवान शिवाची कृपा मिळवण्यासाठी काय करावे ?
महाशिवरात्रीच्या दिवशी भगवान शंकराला प्रसन्न करण्यासाठी काही विशेष उपाय करता येतात शिवलिंगावर जल, दूध आणि बेलपत्र अर्पण करावेत. “ॐ नमः शिवाय” या मंत्राचा जप करावा. शिव चालीसा किंवा रुद्राष्टक पठण करावे. भगवान शिवाला अभिषेक करून त्यांच्या कृपेची प्रार्थना करावी. गरीबांना मदत करावी आणि धार्मिक कार्यात सहभागी व्हावे.
महाशिवरात्री 2025 या राशींसाठी शुभ काळ
महाशिवरात्रीचा हा विशेष दिवस तूळ, मकर, कुंभ, मेष आणि कर्क राशींसाठी अत्यंत शुभ ठरणार आहे. भगवान शिवाच्या कृपेने या राशींच्या लोकांना आर्थिक, व्यावसायिक आणि वैयक्तिक जीवनात मोठे यश मिळण्याची शक्यता आहे. शिव उपासनेने त्यांच्या जीवनातील अडथळे दूर होतील आणि नशिबाचे दरवाजे उघडतील.
