Post Office Time Deposit Scheme : तुम्हीही पोस्ट ऑफिसच्या बचत योजनेत गुंतवणूक करण्याच्या तयारीत आहात का ? मग आजची ही बातमी खास तुमच्यासाठी आहे. आज आपण पोस्ट ऑफिसच्या एका लोकप्रिय बचत योजनेची माहिती पाहणार आहोत. पोस्ट ऑफिस कडून ग्राहकांसाठी टाईम डिपॉझिट योजना राबवली जात आहे. या योजनेचे स्वरूप फिक्स डिपॉझिट प्रमाणेच असते.
म्हणून याला पोस्टाची एफडी योजना म्हणून सुद्धा ओळखतात. पोस्टाची एफडी योजना एका वर्षाची, दोन वर्षाची, तीन वर्षांची आणि पाच वर्षांची आहे. दरम्यान आता आपण पोस्टाच्या याच योजनेत चार लाखाची गुंतवणूक केल्यास किती रिटर्न मिळणार याचा एक आढावा घेणार आहोत.
पोस्ट ऑफिस टाईम डिपॉझिट योजनेचे सध्याचे व्याजदर
सध्या एक वर्षाच्या पोस्ट ऑफिस टाईम डिपॉझिट योजनेत गुंतवणूक करणाऱ्या गुंतवणूकदारांना 6.9% दराने परतावा दिला जात आहे. दोन वर्षांच्या टाईम डिपॉझिट योजनेत गुंतवणूक करणाऱ्या गुंतवणूकदारांना सात टक्के दराने परतावा दिला जात आहे.
तीन वर्ष मुदतीच्या टाईम डिपॉझिट योजनेत गुंतवणूक करणाऱ्या गुंतवणूकदारांना 7.10 टक्के दराने परतावा दिला जात आहे. तसेच पाच वर्ष मुदतीच्या टाईम डिपॉझिट योजनेत गुंतवणूक करणाऱ्या गुंतवणूकदारांना 7.50% दराने परतावा दिला जात आहे.
पोस्ट ऑफिस कडून राबवली जाणारी ही एक अतिशय लोकप्रिय योजना असून यामध्ये गुंतवलेला पैसा कुठेच जात नाही. ही पूर्णपणे सुरक्षित योजना आहे. या योजनेची सरकार स्वतः गॅरंटी घेते. यामुळे सुरक्षित गुंतवणुकीसाठी हा एक चांगला पर्याय ठरणार आहे.
4 लाख रुपये गुंतवल्यास किती रिटर्न मिळणार
बारा महिने मुदतीच्या टीडी योजनेत चार लाख रुपये गुंतवल्यास गुंतवणूकदारांना मॅच्युरिटीवर म्हणजेच योजनेचा कालावधी पूर्ण झाल्यानंतर चार लाख 28 हजार 322 रुपये मिळणार आहेत. अर्थात 28 हजार 322 व्याज स्वरूपात रिटर्न मिळणार आहेत.
दोन वर्षे मुदतीच्या टीडी योजनेत चार लाख रुपये गुंतवल्यास गुंतवणूकदारांना सात टक्के व्याजदराने मॅच्युरिटीवर चार लाख 59 हजार 553 रुपये मिळणार आहेत. यात 59 हजार 553 रुपये हे व्याज स्वरूपात रिटर्न मिळणार आहेत.
तीन वर्ष मुदतीच्या टीडी योजनेत चार लाख रुपये गुंतवल्यास गुंतवणूकदारांना 7.10% व्याजदराने मॅच्युरिटी वर चार लाख 94 हजार 30 रुपये मिळणार आहेत. अर्थात 94 हजार 30 रुपये व्याज स्वरूपात रिटर्न मिळणार आहेत.
पाच वर्षे मुदतीच्या टीडी योजनेत चार लाख रुपये गुंतवल्यास गुंतवणूकदारांना 7.50% व्याजदराने मॅच्युरिटी वर पाच लाख 79 हजार 979 रुपये मिळणार आहेत. अर्थात एक लाख 79 हजार 979 रुपये व्याज स्वरूपात रिटर्न मिळणार आहेत.
