SBI Special FD Scheme : स्टेट बँक ऑफ इंडिया ही देशातील सर्वात मोठी सरकारी बँक असून या बँकेत करोडो लोकांच्या अकाउंट आहे. आरबीआयने देशातील तीन सुरक्षित बँकेत एसबीआय चा सुद्धा समावेश केलेला आहे. ही देशातील सर्वाधिक सुरक्षित बँक म्हणून ओळखले जाते आणि म्हणूनच एसबीआय मध्ये अनेकजण फिक्स डिपॉझिट करतात.
सुरक्षित गुंतवणुकीच्या शोधात असणाऱ्या लोकांसाठी एसबीआयची फिक्स डिपॉझिट योजना नक्कीच फायद्याची ठरते. विशेष बाब अशी की, एसबीआय कडून फिक्स डिपॉझिटवर आपल्या ग्राहकांना चांगले व्याज सुद्धा ऑफर केले जात आहे.
दरम्यान, आज आपण एसबीआयच्या अशा एका विशेष योजनेची माहिती जाणून घेणार आहोत ज्यात गुंतवणूक केल्यास ग्राहकांना नक्कीच चांगले रिटर्न मिळणार आहेत. आज आपण एसबीआयच्या 444 दिवसांच्या विशेष एफडी योजनेची माहिती पाहणार आहोत.
एसबीआयच्या या विशेष एफडी योजनेत ग्राहकांना काय व्याजजदराने परतावा दिला जात आहे आणि यात चार लाखाची गुंतवणूक केल्यास ग्राहकांना किती रिटर्न मिळणार? याबाबत आज आपण माहिती पाहणार आहोत.
कशी आहे SBI ची 444 दिवसांची स्पेशल एफडी स्कीम?
स्टेट बँक ऑफ इंडिया आपल्या ग्राहकांसाठी सात दिवसांपासून ते दहा वर्ष कालावधीची एफडी ऑफर करते. बँकेच्या रेगुलर एफडी योजना असून यामध्ये गुंतवणूक करणाऱ्या ग्राहकांना FD च्या कालावधीनुसार 3.50% पासून ते 7.25% पर्यंतचे व्याजदर ऑफर केले जात आहे.
तसेच बँकेकडून 444 दिवसांची विशेष एफडी योजना सुरू करण्यात आली आहे. या एफडी योजनेला अमृत वृष्टी एफडी योजना असे नाव देण्यात आले असून या योजनेत गुंतवणूक करणाऱ्यांना 7.75 टक्क्यांपर्यंतचे रिटर्न दिले जात आहेत.
या योजनेत गुंतवणूक करणाऱ्या सामान्य ग्राहकांना 7.25% दराने परतावा दिला जात आहे आणि ज्येष्ठ नागरिक ग्राहकांना 0.50 टक्के अतिरिक्त म्हणजे 7.75 टक्के व्याजदराने परतावा दिला जात आहे.
4 लाखाची गुंतवणूक केल्यास किती रिटर्न मिळणार?
या योजनेत सामान्य ग्राहकाने चार लाख रुपयांची गुंतवणूक केल्यास 7.25% व्याजदराने 4,36,273 रुपये मिळणार आहेत अर्थात 36,273 रुपये व्याज म्हणून रिटर्न मिळणार आहेत.
तसेच या योजनेत ज्येष्ठ नागरिक ग्राहकाने चार लाख रुपयांची गुंतवणूक केल्यास त्यांना 7.75 टक्के व्याजदराने एकूण चार लाख 38 हजार 886 मिळणार आहेत म्हणजेच 38,886 रुपये व्याज स्वरूपात रिटर्न मिळणार आहेत.
