Vivo ने स्मार्टफोन बाजारात आपली पकड मजबूत करण्यासाठी एक नवीन दमदार स्मार्टफोन Vivo Y300 Pro+ लॉन्च करण्याच्या तयारीत आहे. हा फोन लॉन्च होण्यापूर्वीच अनेक लीक्स आणि अफवा समोर आल्या आहेत, ज्यामुळे या डिव्हाइसबद्दल मोठी उत्सुकता निर्माण झाली आहे. Vivo Y300 Pro+ अत्याधुनिक तंत्रज्ञान, दमदार प्रोसेसर आणि शक्तिशाली बॅटरीसह येणार असल्याचे सांगितले जात आहे.
Vivo Y300 Pro+ हा एक दमदार बॅटरी, शक्तिशाली प्रोसेसर आणि उत्कृष्ट कॅमेरा असलेला स्मार्टफोन असणार आहे. मोठी बॅटरी आणि हाय-परफॉर्मन्स चिपसेट यामुळे हा स्मार्टफोन गेमिंग आणि हाय-एंड युसेजसाठी योग्य ठरेल. किंमत आणि फीचर्सच्या बॅलन्समुळे हा फोन मध्यम बजेटमध्ये सर्वोत्तम स्मार्टफोन्सपैकी एक ठरू शकतो.
शक्तिशाली प्रोसेसर
Vivo Y300 Pro+ मध्ये Qualcomm Snapdragon 7s Gen 3 चिपसेट दिला जाणार आहे, जो एका पॉवरफुल आणि एनर्जी-इफिशंट प्रोसेसरपैकी एक आहे. हा चिपसेट मल्टीटास्किंग, गेमिंग आणि हाय-परफॉर्मन्स अॅप्लिकेशन्ससाठी चांगला पर्याय ठरेल. यामुळे फोनची कार्यक्षमता लक्षणीय सुधारेल आणि वापरकर्त्यांना वेगवान आणि स्मूथ अनुभव मिळेल.
7500mAh बॅटरी
Vivo Y300 Pro+ मध्ये 7500mAh बॅटरी क्षमतेची मोठी बॅटरी असेल, यामुळे फोनचा बॅकअप उत्कृष्ट असेल आणि एकदा चार्ज केल्यावर तो बराच वेळ टिकेल. मोठी बॅटरी असली तरीही, Vivo ने फोनच्या डिझाइनमध्ये बॅलन्स ठेवण्याचा प्रयत्न केला आहे. गेमिंग, व्हिडिओ स्ट्रीमिंग आणि मल्टीटास्किंगसाठी हा फोन योग्य पर्याय ठरणार आहे.
कॅमेरा सेटअप
Vivo ने Y300 Pro+ मध्ये उच्च-गुणवत्तेचा कॅमेरा सेटअप देण्याचा विचार केला आहे. या स्मार्टफोनमध्ये 50MP प्राथमिक कॅमेरा आणि ड्युअल कॅमेरा सेटअप असणार आहे. तसेच, उत्कृष्ट सेल्फी आणि व्हिडिओ कॉलसाठी 32MP फ्रंट कॅमेरा दिला जाईल. यामुळे फोटोग्राफी प्रेमींसाठी हा स्मार्टफोन एक आकर्षक पर्याय ठरेल.
डिझाइन आणि डिस्प्ले
Y300 Pro+ बद्दल अधिकृतपणे संपूर्ण तपशील अद्याप समोर आलेले नाहीत, परंतु लीक झालेल्या माहितीवरून सांगायचे तर, Vivo चा हा फोन स्लिम आणि स्टायलिश डिझाइनसह येण्याची शक्यता आहे. डिस्प्लेबाबतही मोठे अपग्रेड अपेक्षित आहे, जसे की उच्च रिफ्रेश रेट आणि AMOLED पॅनेल.
लाँच कधी होईल ?
Vivo 14 मार्च रोजी चीनमध्ये Y300i नावाचा नवीन स्मार्टफोन लॉन्च करणार आहे. त्याच मालिकेतील Y300 Pro+ देखील एप्रिलच्या सुरुवातीला बाजारात दाखल होण्याची शक्यता आहे. हा फोन सर्वप्रथम चीनमध्ये उपलब्ध होईल आणि त्यानंतर भारतीय आणि जागतिक बाजारात लॉन्च केला जाऊ शकतो.
किंमत किती असेल ?
Vivo Y300 Pro+ ची संभाव्य किंमत 2,000 युआनपेक्षा (सुमारे 24,000 रुपये) कमी असण्याची शक्यता आहे. Y300 Pro च्या बेस मॉडेलची किंमत 1,799 युआन (सुमारे 21,700 रुपये) होती, त्यामुळे Y300 Pro+ त्याच्या किंमतीपेक्षा थोडासा महाग असू शकतो.
