Personality Test : जगातील प्रत्येक व्यक्तीचा स्वभाव हा भिन्न असतो. प्रत्येकाचा स्वभाव व्यक्तिमत्व जसे भिन्न असते तसेच शारीरिक जडणघडण सुद्धा भिन्न असते. दरम्यान व्यक्तीच्या शारीरिक जडणघडण वरून, व्यक्तीच्या दिसण्यावरून त्यांच्या शरीराच्या अवयवावरून सुद्धा त्यांच्या स्वभावाचा अंदाज बांधता येतो.
कदाचित तुमचा विश्वास बसणार नाही पण व्यक्तीच्या पायाचा आकार सुद्धा त्यांचा स्वभाव आणि व्यक्तिमत्व बाबत उलगडा करत असतो. दरम्यान आज आपण व्यक्तीच्या पायाच्या आकारावरून त्यांचा स्वभाव कसा राहू शकतो ? याबाबत माहिती पाहणार आहोत.
पायाच्या बोटांवरून व्यक्तीचा स्वभाव समजतो. ज्याप्रमाणे लोकांचा कलर, उंची, केस, डोळे यामध्ये भिन्नता असते तसेच पायांच्या बोटांमध्ये सुद्धा भिन्नता असते. दरम्यान याच आधारावर व्यक्तीचा स्वभाव आणि व्यक्तिमत्व ओळखले जात असते.
पायाच्या बोटांवरून समजतो व्यक्तीचा स्वभाव
अंगठ्या जवळच्या बोटापासून इतर बोटांची उंची कमीकमी होत गेलेली असल्यास : जर तुमच्या पायाच्या अंगठ्या जवळच्या बोटापासून इतर बोटांची उंची कमीत कमी होत गेलेली तर, असे लोक वर्चस्व गाजवणारे असतात.
अनेक लोकांच्या पायाचा आकार असा असतो. असे म्हणतात की अशा प्रकारचे लोक हे फारच आत्मविश्वासू असतात. ते अत्यंत महत्वाकांक्षी राहून जीवन जगतात आणि यशस्वी होतात. हे लोक फारच कष्टाळू असतात. आजूबाजूच्या लोकांनी त्यांच्या बोलण्यावर विश्वास ठेवावा असं त्यांना वाटत असतं.
अंगठ्याजवळचे बोट आणि इतर बोटं एकाच उंचीची असतील तर : ज्या लोकांचे अंगठ्या जवळचे बोट आणि इतर बोट एकाच उंचीचे असतील असे लोक मेहनती असतात. हे लोक स्वतःच्या मेहनतीने आपली एक वेगळी ओळख निर्माण करतात. या लोकांना भांडण तंटा आवडत नाही ते नेहमीच वादापासून दूर राहतात.
अंगठ्याजवळचे बोट मोठे असेल तर : ज्या लोकांचा अंगठ्याजवळचं बोट मोठं असतं ते खूप उत्साही असतात. असे लोक हातात घेतलेलं काम 100% पूर्ण करतात.
अंगठ्याजवळचे बोट छोटे असेल तर : ज्यांच्या अंगठ्याजवळचे बोट छोटं असतं असे लोक जीवनात आनंदी राहतात आणि मनाने बळकट असतात. असे लोक फारच धाडसी असतात आणि संयमाने निर्णय घेतात.
करंगळी जवळचे बोट मोठे असेल तर : ज्या लोकांच्या करंळी जवळचं बोट मोठं असतं असे लोक खूप भाग्यवान असतात. त्यांना सर्व कामांमध्ये रस असतो आणि यशही मिळतं.
