Bank Of Baroda FD Scheme : सुरक्षित गुंतवणुकीच्या विचारात असणाऱ्या गुंतवणूकदारांसाठी आजची बातमी कामाची राहणार आहे. विशेषता ज्यांना फिक्स डिपॉझिट मध्ये गुंतवणूक करायची असेल त्यांच्यासाठी ही बातमी खास ठरणार आहे. फिक्स डिपॉझिट मध्ये जर गुंतवणूक करायची असेल तर बँक ऑफ बडोदा या सरकारी बँकेचा ऑप्शन बेस्ट ठरणार आहे.
कारण की, ही बँक आपल्या ग्राहकांना फिक्स डिपॉझिटवर चांगले रिटर्न देत आहे. दरम्यान, आता आपण बँक ऑफ बडोदा च्या 444 दिवसांच्या फिक्स डिपॉझिट योजनेची माहिती पाहणार आहोत.
कशी राहणार FD योजना ?
बँक ऑफ बडोदाची 444 दिवसांची एफडी योजना गुंतवणूकदारांसाठी विशेष लाभाची ठरते. खरे तर बँक ऑफ बडोदा ही देशातील दुसऱ्या क्रमांकाची सर्वात मोठी सरकारी बँक आहे.
स्टेट बँक ऑफ इंडिया ही देशातील सर्वात मोठी सरकारी बँक आणि त्यानंतर बँक ऑफ बडोदाचा नंबर लागतो. ही बँक आपल्या ग्राहकांसाठी सात दिवसांपासून ते दहा वर्ष कालावधीची एफडी योजना ऑफर करत आहे.
या बँकेकडून 444 दिवसांची बीओबी स्क्वेअर ड्राईव्ह डिपॉझिट स्कीम ही स्पेशल एफडी योजना देखील सुरू करण्यात आली आहे. या योजनेत गुंतवणूक करणाऱ्या सामान्य ग्राहकांना बँकेकडून 7.15 टक्के दराने परतावा दिला जातोय.
मात्र या स्पेशल एफडी स्कीम मध्ये गुंतवणूक करणाऱ्या ज्येष्ठ नागरिक ग्राहकांना 7.65% दराने परतावा दिला जात आहे. म्हणजेच सामान्य ग्राहकांच्या तुलनेत सीनियर सिटीजन ग्राहकांना अधिकचा परतावा मिळणार आहे.
दोन लाखाची गुंतवणूक केल्यास किती रिटर्न मिळणार?
बँक ऑफ बडोदा च्या 444 दिवसांच्या स्पेशल एफ डी स्कीम मध्ये सामान्य ग्राहकांनी दोन लाखाची गुंतवणूक केली तर त्यांना 7.15 टक्के दराने 2,17,876 मिळणार आहेत म्हणजे सामान्य ग्राहकांना 17,876 रुपये व्याज स्वरूपात रिटर्न मिळणार आहेत.
तसेच या स्पेशल एफडी स्कीम मध्ये सिनिअर सिटीजन ग्राहकांनी म्हणजेच 60 वर्षांवरील ग्राहकांनी दोन लाखाची गुंतवणूक केली तर त्यांना 7.65 टक्के दराने दोन लाख एकोणवीस हजार 181 रुपये मिळणार आहेत. म्हणजेच 19 हजार 181 रुपये व्याज स्वरूपात रिटर्न मिळतील.
