समाजातील सर्व स्थरातील लोकांसाठी सरकार वेगवेगळ्या योजना राबवत आहे. महिला, विद्यार्थी, शेतकरी यांच्यासाठी सरकारने मोठ्या योजना सुरु केल्या आहेत. लाखो लोक सरकारद्वारे चालवल्या जाणाऱ्या कल्याणकारी योजनांचा लाभ घेत आहेत. आर्थिक लाभांव्यतिरिक्त, या योजनांमध्ये लाभार्थ्यांना इतर अनेक प्रकारचे फायदे देण्याची तरतूद आहे. या क्रमातील एक योजना म्हणजे प्रधानमंत्री किसान सन्मान निधी योजना होय. या योजनेचा 20 वा हप्ता आता कधी येईल, या चर्चा सुरु झाल्या आहेत.
ई-केवायसी महत्त्वाची
ही योजना भारत सरकारद्वारे चालवली जाते. त्याअंतर्गत शेतकऱ्यांना दरवर्षी 6 हजार रुपयांची आर्थिक मदत दिली जाते. हे पैसे प्रत्येकी 2000 रुपयांच्या तीन हप्त्यांमध्ये दिले जातात. आतापर्यंत एकूण 19 हप्ते शेतकऱ्यांच्या खात्यात जमा करण्यात आले आहेत. आता 20 व्या हप्त्याची वाट पाहिली जात आहे. हा हप्ता तुमच्या खात्यात येण्यासाठी तुम्हाला ई-केवायसी करणे आवश्यक आहे. जर तुम्ही आतापर्यंत ते केले नसेल, तर तुमचा हप्ता अडकण्याची शक्यता आहे.
ई-केवायसी कशी करायची?
1. अधिकृत पोर्टलवरून
– यासाठी, सर्वप्रथम तुम्हाला योजनेच्या अधिकृत पोर्टल pmkisan.gov.in ला भेट द्यावी लागेल किंवा तुम्ही किसान अॅपला देखील भेट देऊ शकता.
– येथे तुम्हाला अनेक पर्याय दिसतील ज्यापैकी तुम्हाला ‘e-KYC’ पर्यायावर क्लिक करावे लागेल.
– यानंतर, तुम्हाला तुमचा आधार क्रमांक टाकावा लागेल.
– मग तुम्हाला सर्च बटणावर क्लिक करावे लागेल
– यानंतर तुम्ही येथून OTP आधारित ई-केवायसी पूर्ण करू शकता.
ई-केवायसीचे इतर ऑप्शन
– जर तुम्ही पोर्टल किंवा अॅपद्वारे ई-केवायसी करू शकत नसाल, तर तुम्ही तुमच्या जवळच्या सीएससी सेंटरला देखील भेट देऊ शकता. येथे तुम्ही संबंधित अधिकाऱ्याला भेटून बायोमेट्रिक आधारित ई-केवायसी करू शकता.
– जर तुम्हाला अधिकृत पोर्टल, अॅप किंवा CSC सेंटरवरून ई-केवायसी करायचे नसेल, तर तुम्ही हे काम तुमच्या बँकेतूनही करू शकता. तुमचे कागदपत्रे येथे घेऊन जा आणि मग तुमचे ई-केवायसी बायोमेट्रिक्सद्वारे केले जाईल.
