Vi Prepaid Plans : भारतातील मोबाईल नेटवर्कमध्ये Vi (व्होडाफोन आयडिया) युजर्स साठी 200 रुपयांपेक्षा कमी किमतीतील प्रीपेड प्लॅन्समध्ये उत्तम पर्याय उपलब्ध आहेत. या प्लॅन्समध्ये कॉलिंग, डेटा आणि एसएमएस यांसह अनेक फायदे मिळतात. शिवाय, Vi आता दिल्ली, मुंबई, नोएडा, गुरुग्रामसह अनेक शहरांमध्ये 5G सेवा देखील देत आहे. त्यामुळे, कमी बजेटमध्ये उत्तम नेटवर्क आणि सेवा घेण्याची संधी सर्वांना उपलब्ध झाली आहे.
98 रुपयांचा प्लॅन
Vi चे 98 रुपयांचा प्लॅन हा कमी डेटा वापरणाऱ्यांसाठी बनवलेला आहे. यामध्ये 14 दिवसांची वैधता असून, कोणत्याही नेटवर्कवर अमर्यादित व्हॉइस कॉलिंगची सुविधा मिळते. मात्र, या प्लॅनमध्ये फक्त 200 एमबीचा हाय-स्पीड 4G डेटा आहे आणि एसएमएस सुविधा दिलेली नाही. जर तुम्हाला फक्त कॉलिंगची गरज असेल तर हा प्लॅन तुमच्यासाठी चांगला पर्याय ठरू शकतो.
189 रुपयांचा प्लॅन
दुसरा पर्याय म्हणजे 189 रुपयांचा प्लॅन, ज्याची वैधता 26 दिवसांची आहे. या प्लॅनमध्ये अमर्यादित कॉलिंग सोबत 1 GB हाय-स्पीड 4G डेटा आणि 300 एसएमएस सुविधा दिली जाते. या प्लॅनमध्ये दीर्घकाळ वापरासाठी डेटा आणि एसएमएसची संतुलित मात्रा आहे, त्यामुळे हा प्लॅन सामान्य वापरकर्त्यांसाठी चांगला आहे.
199 रुपयांचा प्लॅन
सर्वात लोकप्रिय आणि फायदेशीर 199 रुपयांचा प्लॅन 28 दिवसांसाठी आहे. यात अमर्यादित कॉलिंग, 2 GB हाय-स्पीड 4G डेटा, 300 एसएमएस, तसेच रात्री 12 वाजता ते सकाळी 6 वाजेपर्यंत अमर्यादित बिन्ज डेटा वापरण्याची सुविधा आहे. याशिवाय, वीकेंड डेटा रोलओव्हरची सुविधा दिली जाते, ज्यामुळे वीकेंडला न वापरलेला डेटा पुढील आठवड्यात वापरता येतो. मासिक वापरासाठी हा प्लॅन किफायतशीर आणि उपयुक्त मानला जातो.
तुमच्यासाठी योग्य प्लॅन कोणता?
जर तुम्हाला कमी डेटा आणि फक्त कॉलिंग हवे असेल तर 98 रुपयांचा प्लॅन निवडू शकता. जास्त डेटा आणि एसएमएससह दीर्घकालीन प्लॅन हवे असल्यास 189 रुपयांचा पर्याय चांगला आहे. आणि जर तुम्हाला चांगल्या डेटासह अतिरिक्त सुविधा हवी असतील, तर 199 रुपयांचा प्लॅन सर्वोत्तम पर्याय ठरेल.
