GK 2025 : मित्रानो जगात बहुतांश देशांमध्ये घटस्फोटाला कायदेशीर मान्यता आहे आणि जोडप्यांना अनेकवेळा त्यांच्या वैयक्तिक मतभेदांमुळे वेगळे होण्याचा पर्याय निवडता येतो. मात्र काही देश असे आहेत जिथे घटस्फोटाची संकल्पनाच स्वीकारली गेलेली नाही किंवा ती इतकी कठीण आहे की सामान्य नागरिकांसाठी ती जवळपास अशक्य ठरते. यामागे अनेक वेळा धार्मिक, सांस्कृतिक आणि कायदेशीर घटक कारणीभूत असतात.
फिलीपिन्स
ह्या लिस्टमध्ये फिलीपिन्स हा एकमेव असा देश आहे जिथे घटस्फोट कायद्याने बेकायदेशीर मानला जातो. या देशात घटस्फोट कॅथोलिक धर्माच्या परंपरांविरुद्ध समजला जातो. विशेष म्हणजे, जरी एखाद्या नागरिकाने दुसर्या देशात जाऊन घटस्फोट घेतला, तरी तो घटस्फोट फिलीपिन्समध्ये ग्राह्य धरला जात नाही.
व्हॅटिकन सिटी
व्हॅटिकन सिटीमध्ये कॅथोलिक धर्माच्या नियमांचा प्रभाव आहे. येथे घटस्फोटासाठी कोणतेही कायदेशीर व्यवस्थापन नाही. विवाह ही आजीवन बांधिलकी मानली जाते, त्यामुळे घटस्फोटाचा पर्याय येथे उपलब्धच नाही. मात्र काही विशिष्ट प्रकरणांमध्ये विवाह रद्द करण्याचा पर्याय असतो.
माल्टा
ह्या देशात सुद्धा घटस्फोटाला फारच मर्यादित स्वरूपात मान्यता आहे. युरोपमधील अनेक देशांमध्ये घटस्फोट सामान्य बाब आहे, मात्र माल्टा याला धार्मिक व सांस्कृतिक कारणांमुळे अजूनही स्वीकारायला तयार नाही.
हैती
हैती मध्ये कॅथोलिक धर्माचा प्रभाव असून, विवाह एक पवित्र नातं मानलं जातं. त्यामुळे घटस्फोटाला मान्यता नाही. केवळ जबरदस्ती, फसवणूक किंवा वैद्यकीय कारणांमुळे विवाह रद्द करता येतो.
डोमिनिकन रिपब्लिक
येथे विवाह रद्द करण्याशिवाय इतर कोणताही पर्याय उपलब्ध नाही. घटस्फोट कायद्याने अमान्य आहे, त्यामुळे लोकांना अनेकदा विवाह कायम ठेवावा लागतो.
लेबनॉन
लेबनॉनमध्ये घटस्फोटावर धर्मगुरुंच्या नियमांचे वर्चस्व आहे. घटस्फोट ही शेवटची आणि दुर्लभ बाब मानली जाते. धार्मिक समुदाय त्यावर नियंत्रण ठेवतात.
ग्वाटेमाला
ग्वाटेमालामध्ये घटस्फोट अत्यंत कठीण आहे. येथील समाज घटस्फोटाला नकारात्मक दृष्टिकोनातून पाहतो. त्यामुळे जोडप्यांना वेगळे होण्यासाठी मोठा संघर्ष करावा लागतो.
सुदान
इस्लामिक कायद्यावर आधारित सुदानची कायदेशीर व्यवस्था घटस्फोटाच्या प्रक्रियेला फार कमी मान्यता देते. घटस्फोटाला फक्त विशिष्ट आणि गंभीर परिस्थितीतच परवानगी असते.
