भारतात मेट्रोची वाढती मागणी आणि तंत्रज्ञानाचा वेग लक्षात घेतल्यास, देशातील काही मेट्रो स्टेशन जगातील प्रगत आणि व्यस्त रेल्वे स्थानकांमध्ये समाविष्ट होऊ लागले आहेत. या प्रवासाला वेग देणारे तसेच प्रवाशांच्या सोयीसाठी नव्या सुविधा देणारे अनेक स्थानक भारतात उभारण्यात आले आहेत. त्यापैकी दिल्लीमधील हौज खास हे भारतातील सर्वात खोल आणि तंत्रज्ञानाने सुसज्ज मेट्रो स्टेशन मानले जाते.
हौज खास मेट्रो स्टेशन दिल्ली मेट्रोच्या मॅजेंटा लाईनवर आहे आणि ते यलो लाईनशी इंटरचेंज करणारं प्रमुख केंद्र आहे. या स्थानकाची खोली 29 मीटर आहे, ज्यामुळे ते देशातील सर्वात खोल मेट्रो स्टेशन ठरले आहे. या खोलीमुळे प्रवाशांना स्टेशनवर पोहोचण्यासाठी 23 एस्केलेटर आणि अनेक लिफ्ट सुविधा उपलब्ध आहेत, ज्यामुळे प्रवास अधिक सुलभ आणि आरामदायी होतो.
हौज खास स्टेशनची वैशिष्ट्ये-
हौज खास स्टेशन हे फक्त खोल असल्यामुळेच विशेष नाही, तर येथील आधुनिक सुविधा, सुरक्षा व्यवस्था आणि गर्दी नियंत्रणासाठी केलेल्या उपायांनीही ते इतर मेट्रो स्थानकांपासून वेगळं ठरते. स्टेशनवर अनेक एन्ट्री आणि एक्झिट गेट्स आहेत, ज्यामुळे प्रवाशांची ये-जाय सोपी होते. सुरक्षा तपासणीसाठी वेगवेगळ्या ठिकाणी सीसीटीव्ही लावण्यात आले आहेत, जे प्रवाशांच्या सुरक्षिततेची हमी देतात.
हौज खास मेट्रो स्टेशन दिल्लीच्या मध्य आणि उत्तर भागांशी जोडलेले असून, ते तीन वेगवेगळ्या लाईन्सचे इंटरचेंज केंद्र आहे. यामुळे प्रवाशांना सहजपणे विविध दिशांमध्ये प्रवास करता येतो. याशिवाय, स्टेशनवरील स्वच्छतेवर विशेष भर दिला जातो, ज्यामुळे प्रवाशांना आरामदायी वातावरणात प्रवास करता येतो.
भारताच्या मेट्रो प्रणालीतील हा स्टेशन तंत्रज्ञान, सुविधा आणि सुरक्षिततेच्या बाबतीत एक आदर्श ठरला आहे, ज्यामुळे तो अनेक शहरांमधील मेट्रो सेवांना पुढे टाकतो. तसेच, हौज खास स्टेशन हे लोकांच्या दैनंदिन प्रवासाचा एक अत्यंत महत्त्वाचा भाग बनले आहे.
