उधळपट्टी, अनाठायी खर्च आणि वारंवार होणाऱ्या आर्थिक अडचणी ही अशी संकटं आहेत जी आज अनेकांच्या आयुष्याचा भाग बनली आहेत. महिन्याअखेरचं बजेट सांभाळताना हातात पगार असूनही खिशात पैसे राहत नाहीत. अनेकदा आपण मेहनत करूनही लक्ष्मीचं स्थायिक रूप आपल्यापर्यंत पोहोचत नाही. पण वास्तुशास्त्रात अशा काही पारंपरिक आणि सोप्या गोष्टी सांगितल्या आहेत, ज्या जर तुम्ही तुमच्या पर्समध्ये ठेवल्या, तर त्या केवळ पैशाला टिकवूनच ठेवत नाहीत, तर तुमच्यावर देवी लक्ष्मीची कृपादृष्टी राहते असं मानलं जातं.
अनेकदा आपण नकळत आपल्या पर्समध्ये देवाचे फोटो ठेवतो, मात्र वास्तुशास्त्र याला अनुकूल मानत नाही. त्याऐवजी शुभ चिन्हं जसं की ओम किंवा स्वस्तिक हे सकारात्मक ऊर्जा वाढवतात आणि आर्थिक स्थैर्य टिकवण्यास मदत करतात. हे चिन्ह फक्त एक धार्मिक श्रद्धा नाही, तर मानसिक स्थैर्य आणि सकारात्मकतेचं प्रतीक मानलं जातं.
पितळाचा चौकोनी तुकडा
तुमची पर्स नेहमी स्वच्छ आणि नीटनेटकी ठेवणंही तितकंच महत्त्वाचं आहे. अनेकजण पर्स कुठेही ठेवतात पलंगावर, जमिनीवर किंवा कधी गाडीच्या सीटखालच्या भागात. मात्र, पर्स हा तुमच्या आर्थिक ऊर्जेचा केंद्रबिंदू असतो. म्हणून ती नेहमी पवित्र, स्वच्छ आणि सुरक्षित जागी ठेवणं आवश्यक आहे. अस्वच्छ ठिकाणी ठेवलेली पर्स पैशाला ‘अस्थिर’ बनवते, असं वास्तु मानतं.
एक विशेष उपाय म्हणजे पितळेचा चौकोनी तुकडा. आर्थिक संकट सुरू असताना गुरुवारी गंगाजलाने शुद्ध केलेला हा पितळाचा तुकडा पर्समध्ये ठेवणं अत्यंत फलदायी मानलं जातं. पितळेचा संबंध गुरू ग्रहाशी जोडला जातो, जो समृद्धी आणि शुद्धतेचं प्रतीक आहे.
कलावा
पुढील उपाय अजून खास ‘कलावा’. जेव्हा धार्मिक विधी होत असतो, तेव्हा पुजारी आपल्याला लाल दोऱ्याचा कलावा बांधतात. हा कलावा केवळ धार्मिक नसून त्यामध्ये सात गांठी बांधून तो पर्समध्ये ठेवल्यास, आर्थिक अडचणी हळूहळू कमी होतात. या सात गाठी सात ग्रहांचं संतुलन दर्शवतात, असंही म्हटलं जातं.
तमालपत्र
तमालपत्र देखील असाच एक गुप्त उपाय आहे. देवता लक्ष्मीशी त्याचा थेट संबंध असल्यामुळे, हे पत्र वाईट खर्च रोखण्यास आणि घरात पैशाचा प्रवाह सुरू ठेवण्यास मदत करतं. मात्र ते स्वच्छ आणि अखंड असावं, याची नोंद घ्या. तो फुटलेला किंवा खराब तमालपत्र परिणामकारक राहत नाही.
या उपायांमध्ये वैज्ञानिक किंवा भौतिक आधार फारसा दिसत नसेल, पण त्यामागे असलेला भावनिक आधार आणि मानसिक शांती नक्कीच उपयुक्त ठरते. पर्समध्ये ठेवलेली ही लहानशी चिन्हं, गोष्टी त्या श्रद्धेच्या माध्यमातून आपल्या मनात आर्थिक शिस्त आणि सकारात्मकतेची भावना निर्माण करतात.
