संपत्तीची कमतरता टाळण्यासाठी अनेकजण मेहनत करतात, पण अनेकदा त्यासाठी केवळ कष्ट पुरेसे ठरत नाहीत. घरात पैसा टिकवण्यासाठी आणि लक्ष्मीचा वास कायम राहण्यासाठी मानसिक शांती आणि सकारात्मक ऊर्जा हवी असते. ही सकारात्मक ऊर्जा निर्माण करण्यासाठी काही खास सवयींचा अंगीकार केला, तर घराचे वातावरण सुखद आणि समृद्धतेने भरलेले राहू शकते. या सवयी अगदी सोप्या असून, त्यांचा परिणाम मात्र दीर्घकाळ टिकणारा असतो.
सकाळी लवकर उठणे
सकाळी लवकर उठणे ही केवळ आरोग्यासाठी चांगली सवय नाही, तर वास्तुशास्त्रानुसार ही सवय आपल्या घरात सकारात्मक ऊर्जा आणते. सूर्योदयापूर्वी उठून आंघोळ केल्यास केवळ शरीरच ताजेतवाने राहत नाही, तर दिवसभर कामात यश आणि मनात उत्साहही वाढतो. असे मानले जाते की, या वेळेत देवतेंचा आशीर्वाद मिळतो आणि विशेषतः लक्ष्मीमातेचा प्रसाद लाभतो.
घरातील प्रेमाचे नाते, विशेषतः पती-पत्नीमधील संबंध हे आर्थिक स्थैर्यासाठीदेखील महत्त्वाचे असतात. सततचे वाद आणि गैरसमज नकारात्मक ऊर्जा पसरवतात, जे घराच्या समृद्धीवर परिणाम करू शकतात. त्यामुळे छोट्या गोष्टींकडे दुर्लक्ष करणे, समजून घेणे आणि प्रेमपूर्वक बोलणे या सवयी घरातील सौख्य आणि समाधान टिकवतात.
मुलांच्या भावना
मुलांच्या भावना हे घराचे प्रतिबिंब असते. सकाळी उठल्यावर जर मुले रडत असतील, तर त्याचा घरावर अशुभ परिणाम होतो, असे वास्तुशास्त्र सांगते. म्हणून मुलांना प्रेमाने, गोड बोलून, त्यांच्या सोबत थोडा वेळ घालवून आनंदी ठेवण्याचा प्रयत्न करावा. हे वातावरण दिवसभरासाठी प्रसन्नतेचा स्रोत बनते.
पहिली भाकरी
सकाळी तयार होणारी पहिली भाकरी गायीसाठी आणि पक्ष्यांसाठी थोडेसे अन्न ठेवणे ही एक धर्मभावना आहे. पण त्यामागे वास्तुशास्त्रीय दृष्टिकोनानेही मोठा अर्थ आहे. असा छोटा पण सातत्यपूर्ण दान उपक्रम घरात सकारात्मक लहरी निर्माण करतो. हे काम केवळ पुण्यसंचयासाठी नव्हे, तर समृद्धी टिकवण्यासाठीही उपयुक्त ठरते.
फक्त सकाळीच नाही, तर रात्रीच्या जेवणात शेवटची भाकरीही गायीसाठी राखून ठेवावी. ही एक छोटी सवय असून तिच्यामुळे घरातील अन्नाची शुद्धता आणि सात्विकता टिकून राहते. आणि त्याचबरोबर आर्थिक भरभराटीसाठी हे एक प्रभावी उपाय मानले गेले आहे.
पाण्याने भरलेले भांडे
स्वयंपाकघरातील वास्तु नियमांतूनही सकारात्मकतेचे संकेत मिळतात. स्वयंपाकघरात पाण्याने भरलेले भांडे ठेवणे, विशेषतः ईशान्य दिशेला, घरात शांती आणि संपत्ती टिकवून ठेवते. हे भांडे म्हणजे स्थिरतेचे प्रतीक असून, त्यातून पवित्र ऊर्जा प्रसृत होते.
शेवटी, अनेक घरांमध्ये रात्रीचे घाणेरडे भांडी सकाळपर्यंत तशीच ठेवली जातात. पण ही सवय नकारात्मक ऊर्जा निर्माण करते. म्हणून रात्रीच भांडी स्वच्छ धुऊन ठेवावीत. यामुळे घरात स्वच्छता, सुव्यवस्था आणि लक्ष्मीचा वास टिकतो.
