श्रावण महिन्याची चाहूल लागली की भक्तांचे मन आपोआपच भोलेनाथाच्या भक्तीत रंगून जाते. 2025 मध्ये श्रावण 11 जुलैपासून सुरू होत असून, या पवित्र महिन्याची सुरुवातच भक्तांसाठी एक नवीन ऊर्जा घेऊन येते. ज्यांना आपल्या आयुष्यात सुख-समृद्धी, मानसिक शांती आणि देवाच्या कृपेचा सतत अनुभव घ्यायचा आहे, त्यांच्यासाठी श्रावण महिना म्हणजे एक सोनेरी संधी असते. पण यंदा श्रावण सुरू होण्यापूर्वी काही खास गोष्टी घरी आणल्यास केवळ श्रद्धा नव्हे तर ज्योतिषशास्त्र आणि वास्तूनुसारही आपले जीवन सकारात्मकतेने भरून जाऊ शकते.
रुद्राक्ष
भगवान शिवाला प्रिय असलेल्या रुद्राक्षाला आध्यात्मिक जगतात अत्यंत पवित्र मानलं जातं. रुद्राक्ष केवळ एक दागिना नाही, तर एक अशा प्रकारची उर्जा आहे जी मनाला स्थिरता देते, आरोग्य सुधारते आणि नशिबात सकारात्मक बदल घडवते. श्रावण सुरू होण्याच्या आधी रुद्राक्ष घरी आणल्यास, शिवाच्या कृपेने कुटुंबावर शुभ परिणाम होतो, असे म्हटले जाते.
भस्म
याचप्रमाणे भस्म, जी शिवाची ओळख मानली जाते, तिचं आध्यात्मिक महत्त्व खूप मोठं आहे. काही घरांमध्ये भस्मला दररोज देवघरात स्थान दिलं जातं. असे मानले जाते की भस्म नुसती लावण्यापुरती मर्यादित नसते, तर ती नकारात्मक ऊर्जेला दूर ठेवते आणि आर्थिक स्थैर्य मिळवून देते. धनाच्या ठिकाणी भस्म ठेवल्यास घरात लक्ष्मी स्थिर होते, असा समज आहे.
जलपात्र
शिवपूजेत सर्वात महत्वाचा घटक म्हणजे जलाभिषेक. पावसाळ्याच्या या काळात रोज शिवलिंगावर जल अर्पण केल्याने भक्तांचे दुःख दूर होतात. म्हणूनच श्रावण सुरू होण्याआधी तांबे, पितळ किंवा चांदीचे नवीन जलपात्र खरेदी करणे शुभ मानले जाते. हे पात्र केवळ पूजेसाठी नव्हे, तर घरातही एक पवित्र ऊर्जा निर्माण करते.
नंदीची मूर्ती
शंकराच्या गणांमध्ये सर्वात प्रिय असलेला नंदी म्हणजे भक्ती आणि समर्पणाचं प्रतीक. नंदीची मूर्ती घरी ठेवणं म्हणजे भोलेनाथाशी एक अदृश्य, पण अटूट नातं निर्माण करणं होय. श्रद्धेनं, भावनेनं नंदीची स्थापना केल्यास घरात शांतता, स्थैर्य आणि देवाची कृपा सदैव नांदते.
त्रिशूल
अखेर, त्रिशूल भगवान शिवाचा रौद्र पण रक्षण करणारा अस्त्र. त्रिशूल केवळ शस्त्र नाही, तर ते शौर्य, न्याय आणि संकटांवर विजय मिळवण्याचं प्रतीक आहे. घरात त्रिशूल ठेवणे म्हणजे नकारात्मक शक्तींना रोखणे, मनाला बळ देणे आणि अडचणींवर मात करण्याचा आत्मविश्वास वाढवणे होय.
श्रावण हा केवळ उपवास आणि पूजा करण्याचा काळ नाही, तर तो आपल्या अंतर्मनाशी, श्रद्धेशी आणि भोलेनाथाशी नव्याने जोडण्याचा काळ आहे. या पवित्र महिन्यापूर्वी जर तुम्ही या वस्तू भक्तिभावाने घरी आणलात, तर नक्कीच महादेवाचे आशीर्वाद तुमच्या आयुष्यात भरभराट, शांती घेऊन येतील.
