घरात सतत काही ना काही अडचणी येत असतील, पैशाची टंचाई वाटत असेल, किंवा आयुष्यात स्थैर्यच हरवल्यासारखं वाटत असेल, तर यामागे एखाद्या ग्रहाची स्थितीही कारणीभूत असू शकते, असं ज्योतिषशास्त्र मानतं. विशेषतः गुरु ग्रह ज्याला शुभतेचा कारक मानलं जातं, याचा प्रभाव आपल्यावर फार मोठ्या प्रमाणात असतो. मागील काही आठवड्यांपासून गुरु ग्रह सूर्याजवळ असल्यामुळे अस्त अवस्थेत होता, आणि त्यामुळे अनेक लोकांच्या जीवनात अडथळे जाणवत होते. पण आता 9 जुलै रोजी गुरु पुन्हा एकदा उदयास येणार आहे आणि त्याचा लाभ काही विशिष्ट राशींना विशेष प्रमाणात होणार आहे.
गुरुचा अस्त म्हणजे एकप्रकारे शुभतेवर विरामच. लग्नकार्य, गृहप्रवेश, नवीन व्यवसायाची सुरुवात, अशी अनेक शुभ कामं या काळात केली जात नाहीत. पण आता गुरु उदयास येत असल्यामुळे वातावरणात पुन्हा एकदा आशेचा नवा किरण दिसू लागला आहे. हा काळ शुभतेचा आणि संधींचा आहे, असं ज्योतिष सांगत आहेत.
वृषभ राशी
विशेष म्हणजे, गुरुच्या या नव्या स्थितीचा लाभ काही राशींना फारच सकारात्मक स्वरूपात मिळणार आहे. वृषभ राशीच्या लोकांना विशेषत: आर्थिक बाबतीत मोठा फायदा होण्याची शक्यता आहे. ज्या गोष्टी अडकलेल्या होत्या जसं की पैसे किंवा थांबलेले व्यवहार ते आता मार्गी लागतील. शिवाय, याच काळात काहीजण धार्मिक स्थळी जाण्याचा योग साधतील, तर काहींना त्यांच्या आयुष्याचा जोडीदारही सापडू शकतो.
कन्या राशी
कन्या राशीसाठी हा काळ करिअरच्या दृष्टीने महत्त्वाचा ठरू शकतो. काही लोकांना नवीन नोकरीची संधी मिळेल, तर काहींना त्यांच्या कामात आर्थिक फायदा दिसेल. नवनवीन वाटा खुल्या होतील आणि व्यवसायाला गती मिळेल.
सिंह राशी
सिंह राशीसाठी देखील गुरुचा उदय म्हणजे नवा आर्थिक अध्याय सुरू होण्याची वेळ. उत्पन्न वाढण्याची शक्यता आहे, व्यवसायात मोठ्या ऑर्डर्स मिळतील आणि काहीजण मालमत्तेत गुंतवणूक करून फायदा मिळवू शकतील.
ज्या लोकांनी गेल्या काही काळात आयुष्यात अडथळ्यांचा सामना केला आहे, त्यांच्यासाठी गुरुचा हा उदय एक प्रकारे नव्या सुरुवातीसारखा आहे. आशावाद, सकारात्मकता आणि स्थैर्य पुन्हा एकदा जीवनात परत येणार आहे.
