OnePlus चा नवीन स्मार्टफोन लाँच होण्याच्या काही दिवस आधीच जुन्या मॉडेलवर कंपनीने घसघशीत सूट जाहीर केली आहे. येत्या 8 जुलै रोजी Nord 5 आणि Nord 5 CE लाँच होणार आहेत, मात्र त्याआधीच कंपनीने Nord 4 ची किंमत घटवली आहे. Amazon वर सध्या OnePlus Nord 4 चा 8GB RAM आणि 256GB स्टोरेज व्हेरिएंट अवघ्या ₹29,497 मध्ये मिळतो आहे. ही किंमत त्याच्या मूळ लाँच प्राइसपेक्षा तब्बल ₹3,500 ने कमी आहे. त्यात जर तुमच्याकडे Canara Bank चं कार्ड असेल, तर तुम्ही आणखी ₹1,500 ची सूट मिळवू शकता. म्हणजे एकूण बचत ₹5,000 पर्यंत जाऊ शकते. शिवाय, जर तुमच्याकडे एक्सचेंजसाठी जुना फोन असेल, तर आणखी चांगली डील मिळू शकते.
OnePlus Nord 4
या फोनचं लाँच जुलै 2024 मध्ये झालं होतं. त्यावेळी त्याच्या 8+128GB व्हेरिएंटची किंमत ₹29,999 होती, तर 8+256GB साठी ₹32,999 आणि 12+256GB व्हेरिएंट ₹35,999 ला विक्रीस उपलब्ध होता. मर्क्युरियल सिल्व्हर, ओएसिस ग्रीन आणि ऑब्सिडियन मिडनाईट हे तीन आकर्षक रंगही उपलब्ध आहेत.
OnePlus Nord 4 मध्ये 6.74-इंचाचं 1.5K AMOLED डिस्प्ले आहे, ज्यात 120Hz चा रिफ्रेश रेट, 450ppi घनता आणि 93.5% स्क्रीन-टू-बॉडी रेशो आहे. स्क्रीनची क्वालिटी इतकी सुरेख आहे की, व्हिडीओ पाहताना किंवा गेम खेळताना तुमचा अनुभव अधिक खुलतो.
प्रोसेसिंग पॉवरबाबत बोलायचं झालं तर, या फोनमध्ये ऑक्टा-कोर Snapdragon 7+ Gen 3 प्रोसेसर आहे, जो Adreno 732 GPU सह येतो. यात 12GB पर्यंत LPDDR5X RAM आणि 256GB पर्यंत UFS 4.0 स्टोरेज मिळतं. म्हणजे, परफॉर्मन्सच्या बाबतीत हा फोन कोणत्याही हाय-एंड फोनला टक्कर देऊ शकतो.
कॅमेरा आणि बॅटरी
कॅमेराच्या विभागातही OnePlus मागे राहिलेला नाही. या फोनमध्ये 50MP Sony Lytia मुख्य कॅमेरा आहे, जो OIS आणि EIS सपोर्ट करतो. त्यासोबत 8MP चा अल्ट्रा-वाइड अँगल कॅमेरा आहे. सेल्फी प्रेमींसाठी 16MP फ्रंट कॅमेरा आहे, जो व्हिडीओ कॉलिंग आणि सोशल मिडिया पोस्टसाठी अगदी योग्य आहे.
AI वैशिष्ट्यांच्या बाबतीत बोलायचं झाल्यास, Nord 4 मध्ये AI Audio Summary, AI Note Summary, Text Translate आणि LinkBoost सारखी वैशिष्ट्ये आहेत, जी तुमचं डिजिटल आयुष्य अधिक सुलभ आणि स्मार्ट बनवतात.
शेवटी, बॅटरीची गोष्ट. 5,500mAh क्षमतेची ही बॅटरी 100W SuperVOOC फास्ट चार्जिंग सपोर्ट करते. आणि कंपनीच्या म्हणण्यानुसार, ही बॅटरी फक्त 28 मिनिटांत 0 ते 100% चार्ज होते.
