Post Office Scheme : सुरक्षित गुंतवणुकीच्या तयारीत असणाऱ्या सर्वसामान्य नागरिकांसाठी आजची बातमी कामाची राहणार आहे. आज आपण पोस्ट ऑफिस च्या एफडी योजनेची माहिती पाहणार आहोत. खरे तर पोस्टाकडून एक वर्ष, दोन वर्ष, तीन वर्ष आणि पाच वर्ष कालावधीची एफडी योजना ऑफर केली जाते.
अलीकडील काही महिन्यांमध्ये बँकांच्या एफडी योजनेचे व्याजदर मोठ्या प्रमाणात कमी झाले आहेत मात्र पोस्टाचे व्याजदर आजही कायम आहेत. यामुळे पोस्टाच्या एफडी योजनेत गुंतवणूक करणे गुंतवणूकदारांसाठी फायद्याचे राहणार आहे. दरम्यान आता आपण पोस्टाच्या एफडी योजनांचे व्याजदर कसे आहेत याची माहिती पाहणार आहोत.
पोस्ट ऑफिसच्या एफडी योजनेचे व्याजदर
पोस्ट ऑफिसकडून सर्वसामान्य नागरिकांसाठी टाईम डिपॉझिट योजना सुरू करण्यात आली आहे. ही टाईम डिपॉझिट योजना पोस्टाची एफडी योजना म्हणून ओळखले जाते. या योजनेच्या स्वरूप बँकांच्या एफडी योजनेप्रमाणे आहे आणि म्हणूनच याला पोस्टाची एफडी योजना म्हणतात.
यात गुंतवणूकदारांना एक रकमी गुंतवणूक केल्यास पोस्टाकडून चांगले व्याज दिले जात आहे. पोस्टाच्या एका वर्षाच्या एफडी योजनेत सध्या स्थितीला 6.9% दराने व्याज दिले जात आहे.
तसेच दोन वर्ष, तीन वर्ष आणि पाच वर्ष कालावधीच्या एफडी योजनांच्या व्याजदराबाबत बोलायचं झालं तर या कालावधीच्या एफडी योजनांमध्ये गुंतवणूक करणाऱ्या गुंतवणूकदारांना अनुक्रमे सात टक्के, 7.10% आणि 7.50% दराने व्याज दिले जात आहे.
आता आपण 24 महिन्यांच्या म्हणजेच दोन वर्षांच्या एफडी योजनेत जर एका लाखाची गुंतवणूक केली तर किती रिटर्न मिळणार आणि पाच लाखाची गुंतवणूक केली तर किती रिटर्न मिळणार याचे कॅल्क्युलेशन जाणून घेणार आहोत.
पाच लाखाच्या गुंतवणुकीवर किती रिटर्न मिळणार
सध्या स्थितीला पोस्ट ऑफिसच्या 24 महिन्यांच्या एफडी योजनेत गुंतवणूक करणाऱ्या गुंतवणूकदारांना सात टक्के दराने व्याज दिले जात आहे यानुसार जर या योजनेत एखाद्या गुंतवणूकदाराने पाच लाखाची गुंतवणूक केली तर त्यांना सात टक्के दराने मॅच्युरिटीचा कालावधी पूर्ण झाल्यानंतर म्हणजेच दोन वर्षांचा काळ पूर्ण झाल्यानंतर 5 लाख 74,441 रुपये मिळणार आहेत. या प्रकरणात 74 हजार 441 सदरील गुंतवणूकदाराला व्याज म्हणून रिटर्न मिळतील.
एका लाखाच्या गुंतवणुकीवर किती रिटर्न?
जर पोस्टाच्या 24 महिन्यांच्या एफडी योजनेत एका लाखाची गुंतवणूक केली तर एक लाख 14 हजार 888 रुपये मिळणार आहेत म्हणजेच 14 हजार 888 रुपये व्याज म्हणून मिळतील. पण जर पोस्टाच्या एफडी योजनेच्या व्याजदरात बदल झाला तर रिटन मध्ये सुद्धा बदल होणार आहे.
