Post Office Scheme : आरबीआयने अलीकडेच रेपो रेट मध्ये मोठी कपात केली आहे. गेल्या काही महिन्यांच्या काळात आरबीआय कडून रेपो रेटमध्ये तब्बल एक टक्क्यांहुन अधिक कपात करण्यात आली आहे. यामुळे देशभरातील बँकांनी होम लोन सहित सर्वच प्रकारच्या कर्जांच्या व्याज दरात कपात केली आहे.
तसेच एफडीचे व्याजदर देखील बँकांकडून कमी केले जात आहेत. त्यामुळे कर्ज घेतलेल्या ग्राहकांना याचा फायदा मिळतोय तर दुसरीकडे सुरक्षित गुंतवणुकीसाठी एफडी मध्ये गुंतवणूक करू इच्छिणाऱ्या गुंतवणूकदारांना याचा मोठा फटका बसतोय.
पण जर तुम्हाला आरबीआयच्या रेपो रेट मधील कपातीच्या निर्णयानंतर सुरक्षित ठिकाणी गुंतवणूक करायची असेल तर तुमच्यासाठी पोस्टाचा पर्याय बेस्ट ठरणार आहे.
कारण की, आजही पोस्टाचे विविध बचत योजनांचे व्याजदर जैसे थे आहेत. पोस्टाच्या आरडी योजनेचे व्याजदर देखील तसेच कायम आहेत. म्हणूनच आज आपण पोस्टाच्या आरडी योजनेची माहिती पाहणार आहोत.
कशी आहे पोस्टाची आरडी योजना?
पोस्टाच्या आरडी योजनेत गुंतवणूकदारांना दरमहा एक ठराविक रक्कम गुंतवावी लागते. या रकमेवर गुंतवणूकदारांना पोस्टाकडून फिक्स रेट नुसार व्याज दिले जाते. पोस्टाची आरडी योजना ही पूर्णपणे सुरक्षित आहे. यात गुंतवलेला पैसा कुठेच वाया जात नाही. या गुंतवणुकीवर सरकारची गॅरंटी दिली जाते.
पोस्ट ऑफिसची आरडी योजना 60 महिन्यांची म्हणजेच पाच वर्षांची आहे. दरम्यान पोस्टाच्या या पाच वर्षांच्या आरडी योजनेत सध्या स्थितीला गुंतवणूकदारांना 6.7 टक्के दराने व्याज दिले जात आहे. एकंदरीत इतर बचत योजनांच्या तुलनेत पोस्टाच्या आरडी योजनेतून ग्राहकांना अधिकचे व्याज मिळते.
प्रत्येक महिन्याला 10 हजाराची गुंतवणूक केल्यास किती रिटर्न मिळणार?
पोस्ट ऑफिसच्या आरडी योजनेत सध्या स्थितीला 6.7 टक्के दराने व्याज दिले जात असून जर एखाद्या ग्राहकाने या योजनेत दर महिन्याला दहा हजार रुपयांची गुंतवणूक केली तर त्यांना मॅच्युरिटीवर म्हणजेच 60 महिन्यांचा काळ पूर्ण झाल्यानंतर सात लाख 13 हजार 658 रुपये मिळणार आहेत.
यामध्ये दरमहा दहा हजार रुपये याप्रमाणे गुंतवणूकदाराची 60 महिन्यांची एकूण गुंतवणूक सहा लाख रुपये एवढी होणार आहे. म्हणजेच गुंतवणूकदाराला मॅच्युरिटीचा कालावधी पूर्ण झाल्यानंतर एक लाख 13 हजार 658 रुपये फक्त व्याज म्हणून रिटर्न मिळणार आहेत.
मात्र हे कॅल्क्युलेशन सध्याच्या व्याजदरानुसार आहे. जर पोस्टाच्या आरडी योजनेचे व्याजदर चेंज झालेत तर हे कॅल्क्युलेशन सुद्धा पूर्णपणे चेंज होणार आहे.
